91614238 646325296205905 1175598133065809920 o

ໃນວັນທີ 6 ເມສາ ຜ່ານມານີ້. ທ່ານ ພອນເພັດ ຄິວລະວົງ ຄະນະປະຈຳພັກແຂວງ ປະທານສະພາປະຊາຊົນແຂວງເຊກອງໄດ້ລົງຕິດຕາມການຄວບຄຸມ ແລະ ປ້ອງກັນພະຍາດອັກເສບປອດຈາກເຊື້ອຈຸລະໂລກສາຍພັນໄໝ່ ຫຼື ໂຄວິດ-19 ຢູ່ເມືອງທ່າແຕງ

ໂດຍມີທ່ານ ຄຳໄຫຼ ສັນຕິພູມ ຮອງຫົວໜ້າພະແນກສາທາລະນະສຸກແຂວງພ້ອມຄະນະເຂົ້າຮ່ວມຕິດຕາມ.


91412026 646325369539231 2507168707860496384 o91575788 646324819539286 5237083881504505856 o

91615269 646325332872568 6242246167392944128 o 92260125 646324849539283 8597781364105805824 o

ໃນໂອກາດລົງຕິດຕາມການຄວບຄຸມ ແລະ ປ້ອງກັນພະຍາດໂຄວິດ-19 ຢູ່ເມືອງທ່າແຕງຄັ້ງນີ້ ປະທານ ສະພາປະຊາຊົນແຂວງເຊກອງ ໄດ້ຮັບຟັງການລາຍງານສະພາບການຄວບຄຸມ ແລະ ປ້ອງພະຍາດໂຄວິດ-19 ຈາກທ່ານ ກໍລະກັນ ບຸດສະບາ ຫົວໜ້າຫ້ອງການສາທາລະນະສຸກເມືອງທ່າແຕງເຊິ່ງມີຫຼາຍກິດຈະກຳທີ່ໄດ້ປະຕິບັດໃນໄລຍະຜ່ານມາເປັນຕົ້ນ.ແຕ່ງຕັ້ງຄະນະສະເພາະກິດຂັ້ນເມືອງ,ແຕ່ງຕັ້ງທິມແພດໝໍເພື່ອຮອງຮັບການບໍລິການ,ຈັດສະຖານທີ່ ແລະ ຫ້ອງແຍກປ່ຽວ,ປະຊຸມຄະນະສະເພາະກິດຮ່ວມກັບເຂດຈຸດສຸມພັດທະນາ,ໂຄສະນາສຸຂະສຶກສາຕາມສາຍທາງ,ເຜີຍແຜ່ຂໍ້ມູນຂ່າວສານຕ່າງໆຜ່ານລະບົບໂທລະໂຄ່ງ , ວິທະຍຸຊຸມຊົນ ແລະ ສື່ອອນດາຍ,ລົງຕິດຕາມເປົ້າໝາຍທີ່ມາຈາກເຂດສ່ຽງ ຫຼື ປະເທດໄກ້ຄຽງລວມ 40 ຄົນ ປະຈຸບັນຍັງເຫຼືອ 24 ຄົນ,ນອກນີ້ໄດ້ຈັດສົ່ງພະນັກງານແພດໝໍປະຈຳຢູ່ສອງຈຸດຄື: ດ່ານບ້ານຫຼັກຂາວຊາຍແດນຈຳປາສັກ ແລະ ດ່ານບ້ານກົກພຸງໄຕ້ຊາຍແດນສາລະວັນເຊິ່ງເປັນຊາຍແດນເຂົ້າ-ອອກເມືອງເພື່ອກວດຊອກອຸນຫະພູມ ພ້ອມທັງຈັດສະຖານທີ່ຮອງຮັບກັກຕົວເພື່ອຕິດຕາມອາການ 14 ວັນ.ໃນຂະນະດຽວກັນນີ້ບໍລິສັດຄູນມີໄຊກໍໄດ້ມອບອຸປະກອນການແພດ ຫຼື ເຄື່ອງແທກອຸນຫະພູມດີຈີຕ໋ອນຈຳນວນ 6 ເຄື່ອງລວມມູນຄ່າ 7,200.000 ກີບ ໃຫ້ທ່ານ ສົມເພັດ ເອີດລັດດາ ເຈົ້າເມືອງໆທ່າແຕງເພື່ອນໍາໃຊ້ເຂົ້າໃນການຄວບຄຸມ ແລະ ປ້ອງກັນພະຍາດໂຄວິດ -19 ໃຫ້ໄດ້ຮັບຜົນສຳເລັດຢ່າງສູງ.


ໃນຂະນະດຽວກັນນີ້ ທ່ານ ພອນເພັດ ຄິວລະວົງ ປະທານສະພາປະຊາຊົນແຂວງເຊກອງໄດ້ສະແດງຄວາມເປັນຫ່ວງຕໍ່ບັນດາແຮງງານທີ່ກັບມາຈາກປະເທດໄກ້ຄຽງ ຫຼື ເຂດທີ່ມີຄວາມສ່ຽງພະຍາດໂຄວິດ-19 ທີ່ເຫັນວ່າການກັກຕົວຕົນເອງໃນໄລຍະຜ່ານມາເຖິງປະຈຸບັນຍັງຢູ່ແບບລຳພັງຕໍ່ເຫດການນີ້ປະທານສະພາປະຊາຊົນແຂວງໄດ້ຮຽກຮ້ອງໃຫ້ຄະນະສະເພາະກິດຄວບຄຸມ ແລະ ປ້ອງກັນພະຍາດໂຄວິດ-19 ເມືອງທ່າແຕງເອົາໃຈໃສ່ຢ່າງຈິງຈັງເພື່ອເຮັດບັນດາແຮງງານ ຫຼື ບຸກຄົນທີ່ມີຄວາມສ່ຽງໄດ້ກັກຕົວຕົນເອງຕາມລະບຽບຫຼັກການ.ຈາກນີ້ກໍໄດ້ໄປຕິດຕາມເບິ່ງຈຸດຄັດກອງອັກເສບປອດຮຸນແຮງຢູ່ໂຮງໝໍເມືອງທ່າແຕງ ແລະ ສະຖານທີ່ກັກຕົວ 14 ວັນຂອງບຸກຄົນທີ່ເດີນທາງມາຈາກກຸ່ມສ່ຽງ.ບົນພື້ນຖານປະຕິບັດຄຳສັ່ງເລກທີ 06 ຂອງນາຍົກລັດຖະມົນຕີຢ່າງເຄັ່ງຄັດ.

92568827 646325176205917 5476069017338773504 o

92232843 646324892872612 2493915186109349888 o