img008

ໃນວັນທີ 28 ມີນາ 2020 ທີ່ຜ່ານມາ ພະແນກສາທາລະນະສຸກແຂວງເຊກອງ ໄດ້ສົມທົບກັບຫ້ອງການສາທາລະນະສຸກເມືອງທ່າແຕງ ຈັດຕັ້ງກອງປະຊຸມເຜີຍແຜ່ມາດຕະການ ຕ້ານແລະສະກັດກັ້ນພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ ໂຄວິດ-19 ຢູ່ເມືອງທ່າແຕງ,

ໃຫ້ກຽດເຂົ້າຮ່ວມເປັນປະທານ ທ່ານ ພອນເພັດ ຄິວລະວົງ ຮອງເລຂາພັກແຂວງ ປະທານສະພາປະຊາຊົນແຂວງເຊກອງ,ມີ ທ່ານ ນາງ ບຸນຮຽງ ບຸນຈິດ ປະທານແນວລາວສ້າງຊາດແຂວງເຊກອງ, ມີເຈົ້າເມືອງທ່າແຕງ, ທ່ານ ດຣ. ພູຂັນ ຈັນທະວົງ ຮອງຫົວໜ້າພະແນກສາທາລະນະສຸກແຂວງ, ມີຄະນະອຳນວຍການໂຮງໝໍຊຸມຊົນອ້ອມຂ້າງເມືອງ, ເຂດຈຸດສຸມພັດທະນາ, ອຳນາດການປົກຄອງບ້ານເທດສະບານເມືອງ ແລະມີບັນດາຫ້ອງການອ້ອມຂ້າງເມືອງເຂົ້າຮ່ວມ ທີ່ສະໂມສອນເມືອງທ່າແຕງ ແຂວງເຊກອ

90989308 641014343403667 6932374530560098304 n ທ່ານ ດຣ ນາງ ວັນຊະນະ ຫານສັກດາ ຫົວໜ້າໜ່ວຍງານຈັດຕັ້ງປະຕິບັດການຄວບຄຸມພະຍາດອັກເສບປອດ ໂຄວິດ-19 ໂຮງໝໍແຂວງເຊກອງ ໄດ້ກ່າວວ່າ: ພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ ໂຄວິດ-19 ເປັນເຊື້ອຈຸລະໂລກທີ່ອາໃສຢູ່ໃນຈຸລັງສັດ, ຄົນ ແລະສະພາບແວດລ້ອມ, ເຊື້ອນີ້ສາມາດມີຊີວິດໄດ້ 5 ນາທີ ເມື່ອຢູ່ໃນອອງຝອຍນໍ້າມູກ, ກະເທີ່, ນໍ້າລາຍ ແລະນໍ້າຕາ, ,ມີຊີວິດຢູ່ໄດ້ 8 ຊົ່ວໂມງຢູ່ພື້ນໂຕະ, ລູກບິດປະຕູ, ມີຊີວິດຢູ່ໄດ ້8-12 ຊົ່ວໂມງ ຢູ່ໃນແພແລະເຈ້ຍອະນາໄມ, ມີຊີວິດຢູ່ໄດ້ 12-24 ຢູ່ເທິງໂຕະ, ພື້ນລຽບ, ມີຊີວິດຢູ່ໄດ້ 4 ວັນໃນນໍ້າ ແລະເຊື້ອນີ້ມີຊີວິດຢູ່ໄດ້ 4 ເດືອນໃນຕູ້ເຢັນ, ອາການຄົນເຈັບທີ່ຢູ່ໃນນິຍາມຕິດເຊື້ອພະຍາດນີ້ ແມ່ນມີໄຂ້ຂຶ້ນສູງ 38 ອົງສາຂຶ້ນເມືອ, ອິດເມື່ອຍ, ໄອແຫ້ງ, ປວດກ້າມຊີ້ນ, ຫາຍໃຈຍາກ ແລະເລີ່ມມີອາການຖອກທ້ອງແລະປວດຮາກ 1-2 ວັນ ກ່ອນຈະມີອາການໄຂ້ ແລະຫາຍໃຈຍາກ ຫຼັງຈາກທີ່ໄດ້ມີການຮັບເຊື້ອພະຍາດນີ້ເຂົ້າໃນຮ່າງກາຍໂດຍກົງໃນໄລຍະ 14 ວັນ, ສຳຫຼັບກຸ່ມສ່ຽງທີ່ອາດຈະຕິດເຊື້ອພະຍາດນີ້ແມ່ນຜູ້ທີ່ມີປະຫວັດເດີນທາງມາຈາກປະເທດທີ່ມີການລາຍງານວ່າມີກໍລະນີຕິດເຊື້ອ, ຜູ້ມີປະຫວັດພະຍາດປະຈຳຕົວ, ນັກສຶກສາທີ່ເດີນທາງມາແຕ່ຕ່າງປະເທດ ແລະຜູ້ທີ່ເດີນທາງໄປສະຖານທີ່ທີ່ມີຈຳນວນຄົນຫຼາຍ ຫຼືແອອັດ, ພະຍາດຊຳເຮື້ອທີ່ພົບໃນຄົນຕິດເຊື້ອພະຍາດນີ້ ຈະມີຄວາມດັນເລືອດສູງ, ພະຍາດເສັ້ນເລືອດໃນສະໝອງຕິບແລະແຕກ, ຫຼອດລົມອຸດຕັນຊຳເຮື້ອ, ໄຂ່ຫຼັງຊຸດໂຊມຊຳເຮື້ອ ແລະພະຍາດເບົາຫວານ ພ້ອມນີ້ທ່ານທ່ານ ດຣ ນາງ ວັນສະນະ ຫານສັກດາ ກໍ່ໄດ້ຍົກໃຫ້ເຫັນສະພາບການລະບາດຂອງພະຍາດອັກເສບປອດ ໂຄວິດ -19 ໃນບັນດາປະເທດພາກພື້ນແລະສາກົນ ພ້ອມທັງມີການນຳສະເໜີກ່ຽວກັບຮູບການກັ່ນກອງຜູ້ທີ່ມີຄວາມສ່ຽງ, ການກະກຽມພາຫານະແລະການນຳສົ່ງຄົນເຈັບ, ການປ້ອງກັນການຕິດເຊື້ອແບບມາດຕະຖານສຳຫຼັບແພດ, ມາດຕະການແລະວິທີປ້ອງກັນສະເພາະ ເພື່ອປ້ອງກັນໂຕເອງແລະຄົນອື່ນ ທີ່ຄວນປະຕິບັດ ແລະສີ່ງທີ່ທ້າທາຍ ໃນການປ້ອງກັນແລະສະກັດກັ້ນພະຍາດນີ້. ຈາກນັ້ນ, ທີ່ປະຊຸມຍັງໄດ້ມີການຜ່ານຄຳແນະນຳວ່າດ້ວຍການຈຳກັດບໍລິເວນຢູ່ສະຖານທີ່ພັກເຊົາຂອງຕົນເອງ, ມະຕິວ່າດ້ວຍຮັບມືກັບພະຍາດ ແລະແຈ້ງການວ່າດ້ວຍສັບຊ້ອນພະນັກງານສາທາແລະນັກສຶກສາແພດ ເຂົ້າໃນການປະຕິບັດການກັ່ນກອງ ເພື່ອປ້ອງກັນແລະສະກັດກັ້ນພະຍາດອັກເສບປອດ ໂຄວິດ -19 ຢູ່ໃນ ສປປ ລາວ ເວົ້າສະເພາະກໍ່ຄືພາຍໃນແຂວງເຊກອງຕື່ມອີກ ໃນໂອກາດນີ້ ທ່ານ ພອນເພັດ ຄິວລະວົງ ຮອງເລຂາພັກແຂວງ ປະທານສະພາປະຊາຊົນແຂວງເຊກອງ ກໍ່ໄດ້ເນັ້ນໜັກໃຫ້ພາກສ່ວນທີ່ກ່ຽວຂ້ອງ ຈົ່ງພ້ອມກັນເອົາໃຈໃສ່ ໃນການປະສານສົມທົບກັນຢ່າງວ່ອງໄວ, ທັນການ ໃນການປ້ອງກັນແລະເຝົ້າລະວັງພະຍາດນີ້ຢ່າງເຂັ້ມງວດ, ເອົາໃຈໃສ່ລົງເຜີຍແຜ່ໂຄສະນາປຸກລະດົມທົ່ງປວງຊົນ ປະຕິບັດມະຕິ, ຄຳສັ່ງ, ແລະຄຳແນະນຳຂອງຂັ້ນເທິງດ້ວຍຄວາມເປັນເຈົ້າການ ຄຽງຄູ່ກັບການກຽມພ້ອມ ແລະວາງແຜນການຮັບມືຢ່າງຫັດກຸມ.

91323746 641014400070328 6974688724453949440 n 91022905 641014453403656 8985292112622780416 n