87394240 487011461995570 1737450696573190144 n

ວັນທີ 2 ມີນາ ນີ້ ຮາກຖານສະຫະພັນແມ່ຍິງພະແນກສາທາລະນະສຸກແຂວງເຊກອງ ໄດ້ພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 110 ປີ

ຂຶ້ນ ໂດຍການເປັນປະທານ ຂອງທ່ານ ວິສັນອິນທະວົງ ເລຂາຄະນະພັກຮາກຖານ, ຫົວໜ້າພະແນກສາທາລນະສຸກແຂວງເຊກອງ, ມີທ່ານ ນາງ ດຣ ລໍາພັນ ໄຊຄໍາມີ ຄະນະພັກຮາກຖານ, ທ່ານ ນາງ ດຣ ມະໂນລາ ສຸດທິຈັກ ຄະນະບໍລິຫານງານ ສຍ ແຂວງ, ປະທານ ສຍ ພະແນກສາທາລະນະສຸກ ພ້ອມດ້ວຍຕາງໜ້າຈາກອົງການຈັດຕັ້ງມະຫາຊົນ ແລະສະມາຊິກ ສຍ ພາຍໃນພະແນກເຂົ້າຮ່ວມຢ່າງພ້ອມພຽງ.

89029520 487011511995565 6565302882864726016 n ໃນພິທີ ທ່ານ ນາງ ດຣ ລໍາພັນ ໄຊຄໍາມີ ໄດ້ໃຫ້ກຽດເລົ່າຄືນມູນເຊື້ອປະຫັວດຄວາມເປັນມາຂອງວັນແມ່ຍິງສາກົນ ຄົບຮອບ 110 ປີ (ວັນທີ8/3/1910 -8/3/2020) ຊຶ່ງເປັນຂີດໝາຍແຫ່ງໄຊຊະນະອັນພື້ນຖານຂອງຂະບວນການແມ່ຍິງສາກົນໃນການຕໍ່ສູ້ທວງເອົາສິດຜົນປະໂຫຍດອັນເປັນທໍາໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງເພື່ອປົດປ່ອຍຕົນເອງ ແລະທວງໃຫ້ມີສິດສະເໝີພາບ ປະຊາທິປະໄຕ ຄືກັບເພດຊາຍ, ທວງໃຫ້ພວກນາຍທຶນແກ້ໄຂຊີວິດການເປັນຢູ່ພາຍໃຕ້ຄໍາຂວັນ: ຜູ້ໜຶ່ງເຮັດວຽກມື້ລະ 8 ຊົ່ວໂມງ, ແມ່ຍິງ ແລະຜູ້ຊາຍເຮັດວຍກຄືກັນ ຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບອບປ້ອງກັນສຸຂະພາບແມ່ຍິງ ແລະເດັກນ້ອຍ, ຕ້ານການຮຸກຮານ, ປົກປັກຮັກສາສັນຕິພາບຂອງໂລກ, ນອກນີ້ ທ່ານຍັງຍົກໃຫ້ເຫັນບັນດາອົງການຈັດຕັ້ງ, ສົນທິສັນຍາ, ຖະແຫຼງການ ແລະກອງປະຊຸມຕ່າງໆກ່ຽວກັບແມ່ຍິງໃນລະດັບສາກົນ, ພາກພື້ນ ແລະອາຊຽນ; ນະໂຍບາຍ ແລະກົນໄກສົ່ງເສີມຄວາມກ້າວໜ້າຂອງແມ່ຍິງໃນ ສປປ ລາວ; ວຽກງານພົວພັນ ແລະການຮ່ວມມືກັບຕ່າງປະເທດປີ 2020 ຕື່ມອີກ.

ຕອນທ້າຍ ທ່ານ ວິສັນ ອິນທະວົງ ຍັງໄດ້ໂອ້ລົມໃຫ້ທິດຊີ້ນໍາ ໂດຍທ່ານໄດ້ຍົກໃຫ້ເຫັນວ່າຍາມໃດ ພັກ-ລັດກໍໄດ້ເອົາໃຈໃສ່ຖືສໍາຄັນໃນການຊຸກຍູ້, ກໍ່ສ້າງ, ສົ່ງເສີມ, ບົ່ມສອນ ເອື້ອຍນ້ອງແມ່ຍິງຕະຫຼອດມາ; ທ່ານຈຶ່ງໄດ້ຮຽກຮ້ອງໃຫ້ເອື້ອຍນ້ອງແມ່ຍິງຝຶກຝົນຫຼໍ່ຫຼອມ ແລະພັດທະນາຕົນເອງໃນທຸກດ້ານ ຈາກອັນເກົ່າສູ່ອັນໃໝ່ເລື້ອຍໆ ເປັນຕົ້ນ ເພີ່ມຄວາມກ້າຫານໃນການປະກອບຄໍາຄິດເຫັນຕ່າງໆ, ຍົກລະດັບຄວາມຮູ້ຄວາມສາມາດໃຫ້ສູງຂຶ້ນ, ສ້າງຄອບຄົວໃຫ້ມີຄວາມຜາສຸກ ພ້ອມທັງພັດທະນາຕົນເອງສ້າງຄວາມເຂັ້ມແຂງ, ຄວາມຫ້າວຫັນໃຫ້ຕົນເອງ ໃຫ້ເຂົ້າເຖິງການດໍາລົງຕໍາແໜ່ງທີ່ສູງຂຶ້ນໃນເວທີສາກົນ ໃຫ້ເທົ່າທຽມກັບເພດຊາຍ, ຕັ້ງໜ້າປະກອບສ່ວນເຄື່ອນໄຫວຕາມພາລະບົດບາດ ສິດ ແລະໜ້າທີ່ຂອງຕົນໃນການພັດທະນາເສດຖະກິດ-ສັງຄົມ, ປະຕິບັດແຜນງານ 5 ຫຼັກການຂອງແມ່ຍິງວາງອອກ, ອັນທີ່ສໍາຄັນ ຕ້ອງສືບຕໍ່ເອົາໃຈໃສ່ຮັກສາມູນເຊື້ອວັດທະນະທໍາຮີດຄອງປະເພນີອັນດີງາມຂອງຊາດ, ຂອງເຜົ່າໃຫ້ຍືນຍົງຢູ່ຄູ່ກັບສັງຄົມລາວຕະຫຼອດໄປ.

88279370 487011468662236 1651677047166074880 n  89031792 487011561995560 3797962927571468288 n