ຂະແໜງປິ່ນປົວ ແລະ ຟື້ນຟູໜ້າທີ່ການ

ວຽກງານບໍລິການສຸຂະພາບ(ການປິ່ນປົວ ແລະ ຟື້ນຟູສຸຂະພາບ)

ຄະນະ​ພັກ-ຄະນະພະແນກສາທາລະນະສຸກແຂວງ ​ໄດ້​ປະຕິບັດ​ນະ​ໂຍບາຍ​ ຫັນ​ວຽກ​ງານ​ສາທາ​ລະ​ນາ​ສຸກ​ລົງ​ສູ່​ຮາກ​ຖານ, ຊຸກຍູ້​ວຽກ​ງານ​ສົ່ງ​ເສີມ​ສຸຂະພາບ ​ແລະການກັນ​ພະຍາດ​ໃຫ້ກາຍ​ເປັນ​ຂອງ​ທົ່ວ​ປວງ​ຊົນ​. ປະຈຸ​ບັນ​ຕາ​ໜ່າງສາທາ​ລະ​ນາ​ສຸກ​ໄດ້​ປົກ​ຄຸມ​ 95%​ໃນ​ທົ່ວ​ແຂວງ ​ໃນ​ນີ້​ມີ​ໂຮງໝໍ​ແຂວງ 1 ​ແຫ່ງ,​ໂຮງໝໍ​ເສ​ນາ​ຮັກ 1 ​ແຫ່ງ, ​ໂຮງໝໍ​ເມືອງ 3 ​ແຫ່ງ, ສຸກ​ສະ​ລາ 28 ​ແຫ່ງ, ມີກຼີນິກ​ກວດ​ພະຍາດເອກະ​ຊົນ 9 ​ແຫ່ງ ແລະ ມີຖົງ​ຢາ​ປະຈຳ​ບ້ານ 56 ບ້ານ ​ສັ່ງລວມ​ແລ້ວຄຸນ​ນະພາ​ບຂອງການ​ບໍລິການສຸຂະພາບ ​ໂດຍ​ພື້ນຖານ​ໄດ້​ຮັບ​ການ​ຍົກ​ສູງ, ​ໂຮງໝໍ​ແຂວງ ​ໂຮງໝໍ​ເມືອງ ​ແລະ ​ສຸກ​ສະ​ລາ ​ໄດ້​ຮັບ​ການປັບປຸງ ​ແລະຍົກລະດັບທາງ​ດ້ານ​ເຕັກ​ນີກດ້ານ​ການ​ປີ່​ນປົວ​ເຊັ່ນ: ຂະ​ແໜງ​ຜ່າຕັດ, ຂະ​ແໜງ​ປະສູດ ​ແລະພະຍາດ​ຍິງ ​ແລະຂະ​ແໜງ​ອື່ນໆ . ຢູ່​ຂັ້ນ​ໂຮງໝໍ​ແຫ່ງ​ຕ່າງໆ​ກໍ່​ໄດ້​ຮັບ​ການ​ພັດທະນາ​ຢ່າງ​ຕໍ່​ເນື່ອງ , ​ພື້ນຖານ​ໂຄງ​ລ່າງ​ ຢູ່​ຂັ້ນ​ແຂວງເມືອງ ​ແລະ ​ສຸກ​ສະ​ລາກໍ່​ໄດ້​ຮັບ​ການ​ປັບປຸງສອ້ມ​ແປງ ​ແລະກໍ່​ສ້າງ​ຂື້ນ​ໃໝ່​ຈຳນວນ​ໜື່ງ​ ເຊັ່ນ​ ການ​ກໍ​ສ້າງໂຮງໝໍ​ແຂວງຫຼັງ​ໃໝ່​ມີ​ມູນ​ຄ່າ 25 ຕື້​ກີບ,​ໂຮງໝໍ​ເມືອງ​ທ່າ​ແຕງ​ມີ​ມູນ​ຄ່າ 2,958ລ້ານ​ກີບ, ​ກໍ່​ສ້າງສຸກ​ສະ​ລາ ​ແລະ ​ເຮືອນ​ຢູ່ກຳບ້ານ​ຕອກ​ອົງ​ແກ້ວ​ມູນ​ຄ່າ 1,090 ລ້ານ​ກີບ , ການ​ກໍ່​ສ້າງ​ສຸກ​ສະ​ລາ​ບ້ານ​ຕອກ​ສະໝີ​ງ ​ເມືອງ​ລະ​ມາ​ມແລະ​ແຫ່ງ​ອື່ນໆ, ພອ້ມກັນ​ນັ້ນ​ຍັງ​ໄດ້​ປັບປຸງກົນ​ໄກ​ຄຸ​ມ້ຄອງ​ດ້ານການ​ເງິນ ​ແລະ ງົບປະມານ​ ແຕ່ລະ​ຂັ້ນ​ມີ​ຄວາມ​ເຂັ້ມ​ແຂງ​ຂື້ນ​ຕື່ມຕິດພັນກັບການໃຫ້ບໍລິການທີ່ມີງົບປະກັນ ສຸຂະພາບທົ່ວໜ້າ, ພິ​ເສດໂຮງໝໍ ​ແຂວງ​ເຊ​ກອງ ​ໄດ້​ຮັບ​ການ​ສະໜັບສະໜູນແລະລົງ​ຕິດຕາມ​ຢ່າງໃກ້​ຊີດຈາກ​ທີ​ມງານ​ຂອງ​ໂຮງໝໍ​ມະ​ໂຫສົດ ​ຢ່າງ​ຕໍ່​ເນື່ອງ,ເຊີ່ງ​ເຮັດ​ໃຫ້​ສີສັນ​ຂອງ​ໂຮງໝໍ​ແຂວງມີ​ບາດ​ກ້າວ​ຂະຫຍາຍຕົວ​ດີ​ຂື້ນ​ເປັນ​ກ້າວໆ