Weelcome to Website Sekong Province Public Health Department

ທີມງານສື່ສານເພື່ອສຸຂະພາບສຸຂະສຶກສາແຂວງເຊກອງ ເຄື່ອນໄຫວໃຫ້ຄວາມຮູ້ກ່ຽວກັບການປ້ອງກັນ ພະຍາດCOVID-19

ວັນທີ 26 ມັງກອນ 2021, ທີມງານສື່ສານເພື່ອສຸຂະພາບສຸຂະສຶກສາແຂວງເຊກອງ ຮ່ວມກັບສຸຂະສຶກສາເມືອງລະມາມລົງໂຄສະນາສຸຂະສຶກສາກ່ຽວກັບພະຍາດອັກເສບປອດຈາກເຊື້ອຈຸລະໂລກສາຍພັນໃໝ່COVID-19 ທີ່ຕະຫຼາດເທດສະບານແຂວງເຊກອງ

Read more...

​ແຂວງເຊກອງ ສະເຫຼີມສະຫຼອງວັນແພດລາວ 18 ມີຖຸນາ

36176763 467489340366535 5369156672772112384 n

ພິທີສະເຫຼີມສະຫຼອງ ວັນແພດລາວ ທີ 18 ມີຖຸນາ ຢູ່ແຂວງເຊກອງໄດ້ມີຂື້ນ ໃນວັນທີ່ 26 ມີຖຸນານີ້ ຢູ່ທີ່ເດີ່ນຮົ່ມຂອງແຂວງ, ເປັນກຽດເຂົ້າຮ່ວມ ຂອງທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ, ມີຄະນະກຳມາທິການແມ່ແລະ ເດັກຂັ້ນແຂວງ, ຫອ້ງການສາທາລະນະສຸກ 4 ຕົວເມືອງ, ຄະນະອຳນວຍການໂຮງໝໍ 3 ຕົວເມືອງ, ພະນັກງານອາວຸໂສປະຕິວັດ, ອົງການດາແດງລາວ, ອົງການຊ່ວຍເຫຼືອເຊິ່ງກັນ ແລະ ກັນ ພອ້ມດວ້ຍພະນັກງານແພດໝໍພາຍໃນພະແນກສາທາແຂວງ ແລະ ແຂກຖືກເຊີນເຂົ້າຮ່ວມ ເກືອບ 200 ຄົນ.
ທ່ານ ວິສັນ ອິນທະວົງ ຫົວໜ້າພະແນກສາທາລະນສຸກແຂວງ ໃຫ້ກຽດຂື້ນຜ່ານ ມູນເຊື້ອປະຫວັດຄວາມເປັນມາຂອງວັດແພດລາວ ໃນພິທີຄັ້ງນີ້ວ່າ: ວັນແພດລາວກຳເນີດຂື້ນ ໂດຍຜ່ານຂະບວນວິວັດ ແຫ່ງການເຕີບໃຫ່ຍຂະຫຍາຍຕົວຂອງການແພດລາວໃນແຕ່ລະໄລຍະ ຄື: ໃນປີ 1963 ສະໜາມຮົບຕໍ່ສູ້ກູ້ຊາດຕ້ານພວກລ່າເມືອງຂຶ້ນແບບໃໝ່ ໄດ້ເປີດກວ້າງອອກທົ່ວປະເທດ, ເຂດປົດປ່ອຍນັບມື້ນັບຂະຫຍາຍຕົວ, ແພດໝໍລາວກໍໄດ້ເຮັດໜ້າທີ່ໃນການຮັກສາ ແລະ ປິ່ນປົວສຸຂະພາບ ໃຫ້ແກ່ພະນັກງານນັກຮົບຢ່າງບໍ່ຮູ້ອິດຮູ້ເມື່ອຍ, ຕໍ່ມາ ສູນກາງພັກໄດ້ມີນະໂຍບາຍ " ສ້າງເຂດປົດປ່ອຍໃຫ້ເປັນລັດໜຶ່ງ " ໃນວັນທີ່ 18 ມິຖຸນາ 1965 ໄດ້ຕົກລົງແຍກຂະແໜງການສາທາລະນະສຸກ ອອກຈາກເສນາຮັກເປັນສອງຂະແໜງການຄື: ເສນາຮັກເພື່ອຮັບໃຊ້ກອງທັບ ແລະ ສາທາລະນະສຸກເພື່ອຮັບໃຊ້ພົນລະເຮືອນ, ດວ້ຍຄວາມຮຽກຮອ້ງຕອ້ງການໃຫ້ມີພະນັກງານແພດເພີ່ມຂື້ນ, ເພື່ອຕອບສະໜອງເຈດຕະນາລົມ ຂອງປະທານ ໄກສອນ ພົມວິຫານ ທີ່ໄດ້ກ່າວໃນຕອນທ້າຍຂອງກອງປະຊຸມສາທາລະນະສຸກ ທົ່ວປະເທດຄັ້ງທີ 2 ໃນວັນທີ 11 ມີນາ 1987, ເຊິ່ງຕໍ່ມາກະຊວງສາທາລະສະສຸກໄດ້ຕົກລົງນຳສະເໜີສະພາແຫ່ງຊາດ ແລະ ຮັບຮອງເອົາວັນທີ 18 ມີຖຸນາ ເປັນວັນແພດລາວ, ເຊິ່ງວັນແພດລາວກ່ໍແມ່ນວັນໜື່ງທີ່ເປັນປະຫວັດສາດອັນລ້ຳຄ່າ ຂອງຂະແໝງການສາທາລະນະສຸກ, ເປັນວັນສ້າງຂະບວນການ, ກິດຈະກຳຕ່າງໆ ເພື່ອລະນຶກເຖີງຜົນງານ ແລະ ສັນລະເສີນຄຸນງາມ-ຄວາມດີຂອງແພດລາວ ໃນສະໄໝຕໍ່ສູ້ກູ້ຊາດ ກ່ໍຄືສະໄໝປົກປັກຮັກສາ ແລະ ພັດທະນາປະເທດຊາດ ເພື່ອປຸກລະດົມມວນຊົນ, ໃຫ້ເຫັນຄວາມສຳຄັນ, ເຂົ້າໃຈ ແລະ ເປັນເຈົ້າການໃນການປ້ອງກັນພະຍາດ, ສົ່ງເສີມ ແລະ ຮັກສາສຸຂະພາບຂອງຕົນເອງ, ຄອບຄົວ ແລະສັງຄົມ, ເຊິ່ງປີນີ້ ກໍເປັນປີທໍາອິດ ທີ່ແຂວງເຊກອງໄດ້ຈັດຕັ້ງການສະເຫຼີມສະລອງວັນແພດລາວ, ສໍາລັບຢູ່ຂັ້ນກະຊວງແມ່ນໄດ້ເລີ່ມຈັດຕັ້ງປະຕິບັດແຕ່ປີ 2017 ຜ່ານມາ.
ໃນໂອກາດດຽວກັນນີ້ ທ່ານ ຖາວອນ ພົມມະໄລລຸນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຂະແໜງການສາທາລະນະສຸກ ແຂວງ ທີ່ໄດ້ຈັດຕັ້ງສະເຫຼີມສະຫຼອງວັນແພດລາວ ເຊິ່ງເປັນການຍົກສູງພາລະບົດບາດ, ຄວາມໝາຍຄວາມສໍາຄັນ ແລະ ການເຕີບໃຫຍ່ຂະຫຍາຍຕົວ ຂອງວຽກງານສາທາລະນະສຸກໃນແຕ່ລະໄລຍະ, ພ້ອມນັ້ນ ກໍ່ຮຽກຮ້ອງໃຫ້ທຸກພາກສ່ວນໃນສັງຄົມ, ອົງການຈັດຕັ້ງມະຫາຊົນ ກໍ່ຄືພະນັກງານແພດໝໍ, ຮຸ່ນສືບທອດຮ່ຳຮຽນເອົາແບບຢ່າງອັນດີງາມຂອງແພດໝໍ ແລະ ພະນັກງານສາທາລະນະສຸກຮຸ່ນກ່ອນ ເພື່ອພ້ອມກັນອອກແຮງຝຶກຝົນຫຼ່ໍຫຼອມຕົນເອງ, ສ້າງຕົນເອງໃຫ້ພຽບພ້ອມໄປດ້ວຍຄຸນສົມບັດ, ສີນທຳປະຕິວັດ, ຈັນຍາທຳວິຊາຊີບ ແລະ ຄວາມຊຳນິຊຳນານງານດ້ານວິຊາສະເພາະ ເພື່ອກາຍເປັນແພດແຫ່ງຊາດ ແລະ ແພດປະຊາຊົນ ໃຫ້ສົມກຽດ ແລະໃຫ້ກາຍເປັນ ນັກຮົບເສື້ອຂາວປະຕິວັດຂອງພັກສືບຕໍ່ໄປ.

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates