Weelcome to Website Sekong Province Public Health Department

​ທີ່​ຕັ້ງ​ ແລະ ຈຸດ​ພິ​ເສດ​ຂອງ​ແຂວງ

002 ຄະນະພັກຄະນະພະແນກສາທາລະນະສຸກ ແຂວງ ຍາມໃດກໍໄດ້ປະຕິບັດໜ້າທີ່ພາລະບົດບາດທີ່ສຳຄັນໃນລະບົບການນຳພາຂອງພັກທັງເປັນແກ່ນນຳເຕົ້າໂຮມຄວາມສາມັກຄີໃນລະບົບການເມືອງຢູ່ພະແນກສາທາລະນາສຸກແຂວງ​, ຮັບຜິດຊອບໂດຍກົງຕໍ່ຄະນະປະຈຳພັກແຂວງ​ ​ແລະ ຄະນະພັກກະຊວງສາທາລະນາສຸກໃນນາມສາຍຕັ້ງ, ເພື່ອຊີ້ນໍາ-ນຳພາຮອບດ້ານເຊັ່ນ: ດ້ານການເມືອງແນວຄິດ, ການຈັດຕັ້ງ​; ວຽກງານວິຊາສະເພາະ, ກໍ່ສ້າງພັກ​-ພະນັກງານແລະ ວຽກງານອົງການຈັດຕັ້ງມະຫາຊົນທັງເປັນຕົວແທນແຫ່ງສະຕິປັນຍາ,ໃນການພັດທະນາຂະແໜງສາທາລະນາສຸກ, ພະແນກສາທາລະນາສຸກແຂວງ​, ແມ່ນອົງການບໍລິຫານລັດເຊີ່ງມີຖັນແຖວສະມາຊີກພັກພະນັກງານລັດຖະກອນຫຼາຍພໍສົມຄວນແລະສວ່ນໃຫ່ຍແມ່ນປັນຍາຊົນທີ່ມີຄວາມຮູ້ຄວາມສາມາດ, ມີແບບແຜນດຳລົງຊີວິດແລະ ຮູ້ພັດທະນາຕົົນເອງຕາມສະພາບແລະເງືື່ອນໄຂດ້ານຄວາມຮູ້ຄວາມສາມາດບົົນພື້ນຖານປະຕິບັັດລະບຽບກົດໝາຍຂອງບ້ານເມືອງແນວທາງນະໂຍບາຍຂອງພັກ-ລັດ,ການບໍລິການດ້ານສາທາລະນາສຸກແມ່ນຕິດພັນກັບປະຊາຊົນແລະ ສັງຄົມໂດຍກົງ.

ຄະນະພັກ​​ພະແນ ຍາມໃດກໍໄດ້ຍົກສູງຄວາມສາມາດ​​ໃນການຊີ້ນຳ-ນຳພາຂອງຕົນຕໍ່ທຸກການເຄື່ອນໄຫວວຽກງານຂອງບັນດາການຈັດຕັ້ງໃນຂະແໜງສາທາລະນາສຸກ, ​​ໂດຍສະເພາະແມ່ນການສືກສາອົບຮົມວຽກງານການເມືອງແນວຄິດ,ຕອ້ງທົ່ວເຖິງກັບແຕ່ລະເປົ້າໝາຍເພື່ອປັບປຸງທັດສະນະຫຼັກໝັ້ນ, ຄຸນສົມບັດສິນທຳປະຕິວັດ, ຈັນຍາທຳແພດໝໍເພື່ອ​​​ເຮັດໃຫ້ປະຊາຊົນ​​ມີຄວາມເຊື່ອໝັ້ນ​ ​ແລະ ໃຫ້ຄວາມໄວ້ວາງໃຈ​​ສູງຂື້ນ.

ຜ່ານການຈັດຕັ້ງປະຕິບັດແຜນພັດທະນາສາທາລະນະສຸກໃນໄລຍະຜ່ານມາ ຂອງພະແນກສາທາລະນະສຸກ ໂດຍອິງໃສ່ 8ແຜນງານຍຸດທະສາດຂອງກະຊວງສາທາລະນາສຸກວາງອອກ, ຕິດພັນກັບການຈັດຕັ້ງປະຕິບັດເປົ້າໝາຍສະຫັດສະວັດ, ດ້ານການພັດທະນາໃຫ້ມີຄວາມຍຶນຍົງ,ມີທັງຂໍ້ສະດວກສີ່ງອຳນວຍຫຼາຍປະການ, ມີທັງຂໍ້ຫຍູ້ງຍາກແລະສີ່ງທ້າທາຍຍອ້ນວ່າສະພາບ ເສດຖະກິດມີການຜັນແປ, ດິນຟ້າອາກາດມີການປ່່ຽນແປງ ເຮັດໃຫ້ເກີດໄພພິບັດທາງທຳມະຊາດ​ ​ແລະການລະບາດຂອງພະຍາດອັນເປັນໄພຂົ່ມຂູ່ຕໍ່ຊີວິດ ແລະ ສຸຂະພາບຂອງປະຊາຊົນ,ເຊີ່ງໄດ້ສົ່ງຜົນສະທອ້ນຕໍ່ການພັດທະນາເສດຖະກິດ-ສັງຄົມລະດັບປະເທດ​ ​ເວົ້າລວມ, ໂດຍສະເພາະແມ່ນຢູ່ແຂວງເຊກອງພວກເຮົາ.

     ​ ​ເຖິງວ່າຢູ່ແຂວງເຊກອງມີຫຼາຍອັນທີ່ຫຍູ້ງຍາກສັບສົນຄືແນວນັ້ນກໍ່ຕາມ ແຕ່ພາຍໃຕ້ການຊີ້ນຳ-ນຳພາຢ່າງໃກ້ຊິດຂອງຄະນະປະຈຳພັກແຂວງແລະກະຊວງສາທາລະນາສຸກ, ບວກກັບຄວາມເປັນເຈົ້າການຄວາມສາມັກຄີ​​ເປັນເອກະພາບອັນໜັກແໜ້ນພາຍໃນ,ພະນັກງານລັດຖະກອນ,​​ໄດ້ພອ້ມກັນສູ້ຊົນບຸກບຶນຜ່ານຜ່າຄວາມຫຍູ້ງຍາກນາໆປະການ, ນຳພາຈັດຕັ້ງປະຕິບັດວຽກງານສາທາລະນາສຸກແຕ່ລະດ້ານ ຕາມແຜນຍຸດທະສາດຂອງກະຊວງສາທາລະນະສຸກ, ຂອງພະແນກສາທາລະນະສຸກ, ດ້ວຍຄວາມຮັບຜິດຊອບສູງແລະມີຜົນສຳເລັດຕາມລະດັບຄາດໝາຍທີ່ໄດ້ວາງໄວ້ໃນແຕ່ລະດ້ານ

  • ດ້ານການເມືອງນຳພາແນວຄິດ:

ຕະຫຼອດໄລຍະຜ່ານມາຄະນະນຳ ພະແນກສາທາລະນາສຸກໄດ້ຖືເອົາວຽກງານການສືກສາອົບຮົມດ້ານການເມືອງແນວຄິດເປັນວຽກງານໜື່ງທີ່ສຳຄັນແລະຕົ້ນຕໍ , ​ເຊີ່ງໄດ້ເປັນເຈົ້າການເຜີຍ​​ແຜ່ແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ ,ມະຕິ​​ເລກທີ 03 /ກມສພວ່າດວ້ຍ : ຫັນແຂວງເປັນຫົວໜວ່ຍຍຸດທະສາດ ຫັນເມືອງເປັນຫົວໜວ່ຍເຂັ້ມແຂງຮອບດ້ານແລະ ຫັນບ້ານໃຫ້ເປັນຫົວໜວ່ຍພັດທະນາ, ຄຳສັ່ງເລກທີ 11 , 21​ /ຄລສພແລະ ຄຳສັ່ງເລກທີ 16 /ນຍ , ຮ່ຳຮຽນຄຸນສົມບັດສີນທຳປະຕິວັດຂອງປະທານໄກສອນພົມວີຫານແລະຜູ້ນຳພັກ-ລັດອື່ນໆ; ຈັດຕັ້ງປາຖະກາະຖາເລົ່າມູນເຊື້ອວັນປະຫວັດສາດອັນສຳຄັນຂອງພັກ- ລັດໄດ້ 9 ຄັ້ງ,​ເຊີ່ງມີຜູ້ເຂົ້າຮວ່ມທັງໝົດ 650ເທື່ອຄົນ, ຍິງ 448ເທື່ອຄົນ. ຜ່ານການຮ່ຳຮຽນແລະສືກສາອົບຮົມດ້ານການເມືອງນຳພາແນວຄິດ​​ໃນທຸກຮູບແບບ​ ​ແລະ ຫຼາຍວິທີການເຮັດໃຫ້ສະມາຊີກພັກພະນັກງານລັດຖະກອນທົ່ວຂະແໜງສາທາລະນາສຸກມີຄວາມຮັບຮູ້ໜັກແໜ້ນທາງດ້ານການເມືອງແລະເຂັ້ມແຂງດ້ານການຈັດຕັ້ງ,ມີຄວາມອູ່ນອ່ຽນທຸນທ່ຽງເຊື່ອໝັ້ນຕໍໍ່​​ການນຳພາຂອງພັກຢ່າງສະເໝີຕົ້ນສະເໝີປາຍ,ເຮັດສຳເລັດໜ້າທີ່ການເມອງຂອງຕົນເປັນຢ່າງດີ ແລະ ເຮັດໃຫ້ພະນັກງານ-ລັດຖະກອນມີຄວາມຮັບຮູ້ ເຊື່ອມຊຶມເຂົ້າໃຈໃນຄວາມເປັນຊາດ ແລະ ການເສຍສະຫຼະຂອງບັນພະບູລຸດລາວ ທຸກຍຸກທຸກສະໄໝ.

ການຊີ້ນຳ-ນຳພາຈັດຕັ້ງປະຕິບັດວຽກງານວິຊາສະເພາະ:

        ຄະນະພັກ-ຄະນະພະແນກສາທາລະນະສຸກແຂວງ ​​ໄດ້ເອົາໃຈໃສຊີ້ນຳ-ນຳພາຢ່າງໃກ້ຊິດແລະແທດເຖິງເຮັດໃຫ້ການບໍລິການດ້ານສາທາລະນາສຸກໄດ້ຂະຫຍາຍຕົວຢ່າງກວ້າງຂວາງບົນພື້ນຖານການເຊື່ອມຊືມແລະກຳແໜ້ນເນື້ອໃນຈິດໃຈຂອງມະຕິກອງປະຊູໃຫ່ຍຄັ້ງທີ X ຂອງພັກແລະແຜນພັດທະນາ​​ເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ,ມະຕິກອງປະຊູໃຫ່ຍຄັ້ງທີ IX ຂອງອົງຄະນະພັກແຂວງກໍ່ຄືມະຕິກອງປະຊູໃຫ່ຍຄັ້ງທີ II ຂອງຄະນະພັກຮາກຖານພະແນກສາທາລະນາສຸກແຂວງວາງອອກ. ຄະນະພັກຮາກຖານໄດ້ອອກແຮງຈັດຕັ້ງປະຕິບັດຄົ້ນຄວາຫັນເປັນນະໂຍບາຍເປັນຍຸດທະສາດເປັນແຜນການແລະໂຄງການອັນລະອຽດຕາມ 8 ​ແຜນງານແລະບັນດາໂຄງການບູລິມະສິດເພື່ອເຮັດໃຫ້ບັນລຸເປົ້າໝາຍສະຫັດສະວັດເພື່ອການພັດທະນາຮອດປີ 2015, ​ຄະນະພັກຄະນະພະແນກໄດ້ປັບປຸງຂອດການບໍລິການຢູ່ໂຮງໝໍ​​ແຫ່ງຕ່າງໆໃຫ້ມີຄຸນນະພາບດີກວ່າເກົ່າ,​ນອກຈາກນັ້ັ້ນແລ້ວຍັງໄດ້ຈັດຕັ້ງ​​ນຳພາຕໍ່ຂະບວນການຕ່າງໆໃນການປະຕິບັດວຽກງານວິຊາສະເພາະໃຫ້ມີການຫັນປ່ຽນທີ່ຕັ້ງໜ້າ​,

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates