Weelcome to Website Sekong Province Public Health Department

ທ່ານລັດຖະມົນຕີກະຊວງສາທາລະນະສຸກ ເຄື່ອນໄຫວຢ້ຽມຢາມໂຮງໝໍເມືອງ ທາແຕງ

ໂອກາດເຂົ້າຮ່ວມກອງປະຊຸມປະຈຳປີຂອງພະແນກສາທາລະນະສຸກແຂວງ ເຊກອງ,ທ່ານ ຮອງສາດສະດາຈານ ດຣ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ພ້ອມດ້ວຍຄະນະຕິດຕາມ ໄດ້ລົງເຄື່ອນໄຫວຢ້ຽມຢາມ ໂຮງໝໍເມືອງ ທ່າແຕງ

ໃນວັນທີ 8 ມັງກອນ 2020 ນີ້.ໂດຍທ່ານ ກໍລະກັນບຸດສະບາ ຫົວໜ້າຫ້ອງການສາທາລະນະສຸກເມືອງ ທ່າແຕງ ພ້ອມດ້ວຍຄະນະໃຫ້ກຽດຕ້ອນຮັບ.

ໃນການລົງເຄື່ອນໄຫວຢ້ຽມຢາມໂຮງໝໍເມືອງ ທ່າແຕງ ຄັ້ງນີ້ ລັດຖະມົນຕີກະຊວງສາທາລະນະສຸກໄດ້ພົບປະຄະນະນໍາ ແລະ ພະນັກງານແພດໝໍ ເພື່ອສືບຕໍ່ຜັນຂະຫຍາຍການຮ່ວມມືດ້ານວິຊາການທີ່ມີແລ້ວນັ້ນໃຫ້ກ້ວາງຂວາງ ແລະ ມີປະສິດທິພາບຫຼາຍຂຶ້ນກ່ວາເກົ່າ ໂດຍສະເພາະ ດ້ານການບໍລິການຂອງພະນັກງານແພດໝໍໃຫ້ພໍ່ແມ່ປະຊາຊົນບັນດາເຜົ່າທີ່ມາໃຊ້ບໍລິການຢູ່ໂຮງໝໍເມືອງ ກໍຄືການໃຫ້ກຳລັງໃຈແພດໝໍ ແລະ ຄົນເຈັບ. ພ້ອມທັງຕິດຕາມເບິ່ງອຸປະກອນການແພດໃນການຮອງຮັບໃຫ້ແກ່ການບໍລິການປະຊາຊົນໃນຕໍ່ໜ້າ.

 

ໂອກາດນີ້ ທ່ານ ຮອງສາດສະດາຈານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກໄດ້ສະແດງຄວາມຍ້ອງຍໍຊົມເຊີຍຄະນະນໍາສາທາລະນະສຸກທັງຂັ້ນແຂວງ ແລະ ເມືອງ ພ້ອມດ້ວຍພະນັກງານແພດໝໍ ທີ່ໄດ້ເອົາໃຈໃສ່ຕໍ່ໜ້າທີ່ວຽກງານວິຊາສະເພາະຂອງຕົນຢ່າງຕັ້ງໜ້າໃນແຕ່ລະໄລຍະ, ໂດຍເນັ້ນໃສ່ການບໍລິການປະຊາຊົນຄົນເຈັບທີ່ເຂົ້າມາບໍລິການປິ່ນປົວຢູ່ໂຮງໝໍ ແລະ ອຸປະກອນການແພດ ໂດຍມີເປົ້າໝາຍ ເພື່ອຍົກລະດັບບຸກຄະລາກອນ ຫຼື ພະນັກງານແພດໝໍໃຫ້ມີຄວາມຮູ້,ຄວາມສາມາດສູງຂຶ້ນ ແລະ ມີຄວາມຊ່ຽວຊານໃນວຽກງານດັ່ງກ່າວ,ຂະນະດຽວກັນນັ້ນ ຍັງໄດ້ປຶກສາຫາລືຄວາມເປັນໄປໄດ້ໃນການຮ່ວມມືຄົ້ນຄົ້ວວິໃຈວຽກງານສາທາລະນະສຸກລະຫ່ວາງເມືອງ,ແຂວງ ແລະ ກະຊວງໃຫ້ໄດ້ຮັບຜົນດີ ເພື່ອຊອກວິທີຊ່ວຍຄົນເຈັບພາຍໃນທ້ອງຖິ່ນໃຫ້ສອດຄ່ອງຕາມແຜນຍຸດທະສາດ ແລະ ພັດທະນາໃຫ້ເກີດຜົນສູງສຸດ.

 

 

 

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates