Weelcome to Website Sekong Province Public Health Department

ພະແນກສາທາແຂວງເຊກອງ ແລະ ພະແນກສາທາແຂວງຫຼວງພະບາງ ແລກປ່ຽນບົດຮຽນດ້ານການຄຸ້ມຄອງກອງທຶນປະກັນສຸຂະພາບ

L01

           L02   L03

ກອງປະຊຸມພົບແລກປ່ຽນບົດຮຽນລະຫວ່າງຫ້ອງການປະກັນສຸຂະພາບ ພະແນກສາທາລະນະສຸກແຂວງເຊກອງ ແລະຫ້ອງການປະກັນສຸຂະພາບ ພະແນກສາທາລະນະສຸກແຂວງຫຼວງພະບາງ

ໄດ້ຈັດຂຶ້ນໃນວັນທີ 29 ມີນາ 2019 ນີ້ ທີ່ຫ້ອງປະຊຸມພະແນກສາທາລະນະສຸກແຂວງເຊກອງ ໂດຍການເປັນປະທານຮ່ວມຂອງທ່ານ ດຣ ຄໍາໄຫຼ ສັນຕິພູມ ຮອງຫົວໜ້າພະແນກສາທາລະນະສຸກ ແຂວງເຊກອງ ແລະ ທ່ານ ດຣ ອໍາພອນ ພະລາມີໄຊ ຫົວໜ້າພະແນກສາທາລະນະສຸກແຂວງ ຫຼວງພະບາງ, ໂດຍມີທ່ານ ດຣ ແສງເພັດ ວັນມິ່ງ ຫົວໜ້າຫ້ອງການປະກັນສຸຂະພາບແຂວງເຊກອງ, ທ່ານ ວິລະເດດ ຈິດຕະລາດ ຫົວໜ້າຫ້ອງການປະກັນສຸຂະພາບແຂວງ ຫຼວງພະບາງ ແລະ ພະນັກງານ-ວິຊາການຫ້ອງການປະກັນສຸຂະພາບທັງ 2 ແຂວງເຂົ້າຮ່ວມ.

L04 L05 L06

                     L07   L08

ກອງປະຊຸມໄດ້ແລກປ່ຽນບົດຮຽນດ້ານການຈັດຕັ້ງປະຕິບັດການຮວມຕົວຂອງວຽກງານກອງທຶນປະກັນສຸຂະພາບຄັ້ງນີ້ ທ່ານຫົວໜ້າຫ້ອງການປະກັນສຸຂະພາບທັງສອງແຂວງໄດ້ຜັດປ່ຽນກັນລາຍງານສະພາບການຈັດຕັ້ງປະຕິບັດວຽກງານການຄຸ້ມຄອງກອງທຶນປະກັນສຸຂະພາບຂອງແຂວງຕົນໃນໄລຍະຜ່ານມາ ເຊິ່ງກໍໄດ້ຍົກໃຫ້ເຫັນສະພາບລວມຂອງຫ້ອງການປະກັນສຸຂະ ພາບ, ດ້ານບຸກຄະລາກອນ, ອັດຕາການປົກຄຸມຂອງສະມາຊິກ/ຜູ້ປະກັນຕົນ, ລະບົບການຄຸ້ມຄອງກອງທຶນປະກັນສຸຂະພາບ, ຕີລາຄາການຈັດຕັ້ງປະຕິບັດ, ສິ່ງທ້າທາຍໃນການຈັດຕັ້ງປະຕິບັດ ແລະບົດຮຽນທີ່ຖອດຖອນໄດ້ ຂອງທັງ 2 ແຂວງທີ່ໄດ້ຈັດຕັ້ງປະຕິບັດ.ຈາກນັ້ນຜູ້ເຂົ້າຮ່ວມກໍໄດ້ພ້ອມກັນປະກອບຄໍາຄິດເຫັນ ແລກປ່ຽນຖອດຖອນບົດຮຽນຮ່ວມກັນ ເພື່ອເປັນຊ່ອງທາງແກ້ໄຂຈຸດອ່ອນ-ຂໍ້ຄົງຄ້າງ, ນໍາເອົາຈຸດດີທີ່ພົ້ນເດັ່ນໄປເປັນບົດຮຽນ ແລະຈັດຕັ້ງປະຕິບັດໃນກົມກອງຕົນໃຫ້ເກີດດອກອອກຜົນ.

 

L09   L10  L11

ທັງນີ້, ກໍເພື່ອເປັນການຮັດແໜ້ນຄວາມສາມັກຄີມິດຕະພາບລະຫວ່າງຫ້ອງການປະກັນສຸຂະພາບ ພະແນກສາທາລະນະສຸກແຂວງເຊກອງ ແລະແຂວງ ຫຼວງພະບາງ ມີຄວາມສະໜິດສະແໜ້ນຍິ່ງຂຶ້ນ, ເພື່ອພ້ອມກັນພັດທະນາວຽກງານກອງທຶນປະກັນສຸຂະພາບຂອງທັງ ສອງ ແຂວງ ມີການເຄື່ອນໄຫວຢ່າງມີປະສິດທິຜົນສູງຂຶ້ນ ແລະ ພ້ອມກັນເປັນເຈົ້າການໃນການຈັດຕັ້ງປະຕິບັດວຽກງານດັ່ງກ່າວກາຍເປັນເງື່ອນໄຂອໍານວຍຄວາມສະດວກໃຫ້ກອງທຶນປະກັນສຸຂະພາບແຫ່ງຊາດສາມາດບັນລຸຕາມຄາດໝາຍທີ່ວາງໄວ້.

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates