Weelcome to Website Sekong Province Public Health Department

ພິທີປະກາດຮັບຮອງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ

ວັນທີ 19 ກຸມພານີ້ ທີ່ຫ້ອງປະຊຸມພະແນກສາທາລະນະສຸກ ແຂວງເຊກອງ ໄດ້ຈັດຕັ້ງພິທີຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ໃຫ້ 2 ໜ່ວຍພັກ

ຄື: ໜ່ວຍພັກກັນພະຍາດແລະສົ່ງເສີມສຸຂະພາບ ແລະ ໜ່ວຍພັກຫ້ອງການບໍລິຫານ ທີ່ຂຶ້ນກັບ ຄະນະພັກຮາກຖານພະແນກສາທາລະນະສຸກແຂວງ ໃຫ້ກຽດເຂົ້າຮ່ວມເປັນປະທານ ຂອງສະຫາຍ ວິສັນ ອິນທະວົງ ກຳມະການພັກແຂວງ, ເລຂາຄະນະພັກຮາກຖານ ພະແນກສາທາລະນະສຸກແຂວງ, ມີຄະນະພັກຮາກຖານຂົງເຂດວັດທະນະທຳ-ສັງຄົມ, ມີຄະນະຫນ່ວຍພັກ ພ້ອມດ້ວຍສາມະຊິກພັກພາຍໃນ 2 ໜ່ວຍພັກ ເຂົ້າຮ່ວມກອງປະຊຸມ ໄດ້ຮັບຟັງການລາຍງານການກໍ່ສ້າງໜ່ວຍພັກປອດໃສ,ເຂັ້ມແຂງ ແລະໜັກແໜ້ນ ຈາກທ່ານ ນາງ ບຸນຖະໜອມ ນາກລີລາ ຄະນະໜ່ວຍພັກກັນພະຍາດແລະສົ່ງເສີມສຸຂະພາບ ແລະ ຈາກ ທ່ານ ດຣ ສົມປອງ ດວງຫອມ ຄະນະໜ່ວຍພັກຫ້ອງການບໍລິຫານ ໂດຍຄະນະໜ່ວຍພັກທັງ 2 ໜ່ວຍ ໄດ້ສະຫຼຸບຕີລາຄາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນໄລຍະ 1 ປີຜ່ານມາ ຕາມ 5 ເນື້ອໃນ ຄື: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ແບບແຜນວິທີນຳພາ ແລະນຳພາປະຕິບັດໜ້າທີ່ການເມືອງ.

 

                     

ຊຶ່ງໜ່ວຍພັກກັນພະຍາດແລະສົ່ງເສີມສຸຂະພາບສາມາດຕີລາຄາບັນດາດ້ານດີ ແລະດ້ານອ່ອນຂໍ້ຄົງຄ້າງ ໄດ້ຄື: ດ້ານການເມືອງ ປະຕິບັດໄດ້ 1,8 ຄະແນນ, ດ້ານແນວຄິດ 1,4 ຄະແນນ, ດ້ານການຈັດຕັ້ງ 1,4 ຄະແນນ, ດ້ານແບບແຜນວິທີນໍາພາ 1,7 ຄະແນນ ແລະນໍາພາປະຕິບັດໜ້າທີ່ການເມືອງ 2,8 ຄະແນນ; ຕໍ່ຜົນງານດັ່ງກ່າວສາມາດສັງລວມຕີລາຄາປະເມີນສະມາຊິກພັກແຂງ ໄດ້ 27 ສະຫາຍ,ຍິງ 15 ສະຫາຍ, ກວມເອົາ 90%, ສະມາຊິກພັກກາງ 3 ສຫາຍ, ຍິງ 2 ສະຫາຍ, ກວມເອົາ 10% ແລະໜ່ວຍພັກມີຄະແນນລວມທັງໝົດ 9,1 ຄະແນນ; ສໍາລັບໜ່ວຍພັກບໍລິຫານ ສາມາດຕີລາຄາໄດ້ຄື: ດ້ານການເມືອງ ໄດ້ 1,8 ຄະແນນ, ດ້ານແນວຄິດ 1,4 ຄະແນນ, ດ້ານການຈັດຕັ້ງ 1,4 ຄະແນນ, ດ້ານແບບແຜນວິທີນໍາພາ 1,8 ຄະແນນ ແລະນໍາພາປະຕິບັດໜ້າທີ່ການເມືອງ 2,8 ຄະແນນ; ຕໍ່ຜົນງານດັ່ງກ່າວສາມາດຕີລາຄາປະເມີນສະມາຊິກພັກແຂງ ໄດ້ 21 ສະຫາຍ,ຍິງ 10 ສະຫາຍ, ກວມເອົາ 95,46%, ສະມາຊິກພັກກາງ 1 ສຫາຍ, ກວມເອົາ 4,5% ແລະໜ່ວຍພັກມີຄະແນນລວມທັງໝົດ 9,2 ຄະແນນ; ພ້ອມນີ້ ຍັງໄດ້ຜ່ານແຜນການກໍ່ສ້າງໜ່ວຍພັກປອດໃສ,ເຂັ້ມແຂງ ແລະໜັກແໜ້ນ ປະຈຳປີ 2020 ຕື່ມອີກ, ຫຼັງຈາກນັ້ນ ສະຫາຍ ວິສັນ ອິນທະວົງ ໄດ້ກຽດມອບໃບຢັ້ງຢືນ ໜ່ວຍພັກ ເປັນໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ປະຈຳປີ 2019 ໃຫ້ 2 ໜ່ວຍພັກດັ່ງກ່າວ ແລະກ່າວຮັບແມ່ນສະຫາຍເລຂາໜ່ວຍພັກທັງສອງໜ່ວຍພັກ.

 

 

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates