Weelcome to Website Sekong Province Public Health Department

ແຂວງເຊກອງສະເຫຼີມຫຼອງວັນແພດລາວ 18 ມິຖຸນາ ທີ່ສະໂມສອນຫ້ອງວ່າການແຂວງ

p001

p003             p004

ແຂວງເຊກອງໄດ້ຈັດພິທີຍ່າງເພື່ອສຸຂະພາບ ແລະປາຖະກະຖາເລົ່າຄືນມູນເຊື້ອປະຫວັດຄວາມເປັນມາຂອງວັນແພດລາວ 18 ມິຖຸນາ

ເພື່ອລະນຶກເຖິງຜົນງານ  ແລະ ສັນລະ ເສີນຄຸນງາມຄວາມດີຂອງແພດລາວ, ພ້ອມດຽວກັນນີ້ ຍັງເປັນການປຸກລະດົມເຮັດໃຫ້ປະຊາຊົນທຸກຊັ້ນຄົນໃນທົ່ວສັງຄົມເຫັນໄດ້ຄວາມໝາຍສໍາຄັນ ແລະເອົາໃຈໃສ່ເບິ່ງແຍງສຸຂະພາບຂອງຕົນໃຫ້ແຂງແຮງປາສະຈາກເຊື້ອພະຍາດຕ່າງໆ.

 p005           p006

ພິທີດັ່ງກ່າວ ໄດ້ຈັດຂຶ້ນໃນວັນທີ 25 ມິຖຸນາ 2019 ທີ່ສະໂມສອນຫ້ອງວ່າການແຂວງ ໂດຍການເປັນປະທານຂອງທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ; ເຂົ້າຮ່ວມໂດຍທ່ານ ວິສັນ ອິນທະວົງຫົວໜ້າພະແນກສາທາລະນະສຸກແຂວງ ພ້ອມດ້ວຍຄະນະພະແນກສາທາແຂວງ, ມີກໍາມະການພັກແຂວງ, ຄະນະປະຈໍາພັກເມືອງ, ສະມາຊິກສະພາປະຊາຊົນແຂວງ, ຫົວໜ້າ-ຮອງພະແນກການອ້ອມຂ້າງ, ຫ້ອງການ, ອົງການທຽບເທົ່າ, ພະນັກງານປະຕິວັດອາວຸໂສ, ອໍານາດການປົກຄອງບ້ານ ແລະພະນັກງານແພດ-ໝໍເຂົ້າຮ່ວມຢ່າງຫຼວງຫຼາຍ.

p007             p008

p002

 ທ່ານ ວິສັນ ອິນທະວົງ ຫົວໜ້າພະແນກສາທາລະນະສຸກແຂວງເຊກອງ ໄດ້ຂຶ້ນເລົ່າປະຫວັດຄວາມເປັນມາຂອງວັນແພດລາວ ໂດຍຍົກໃຫ້ເຫັນຜົນງານຄຸນງາມຄວາມດີ, ຄວາມອົງອາດກ້າຫານ ແລະຄວາມເສຍສະຫຼະອັນສູງສົ່ງ, ມີຈັນຍາບັນ-ຈັນຍາທໍາເຂົ້າໃນການເບິ່ງແຍງຮັກສາ ແລະປິ່ນປົວພະຍາດຕ່າງໆແບບພູມປັນຍາຕໍ່ໆກັນມາຂອງແພດ-ໝໍໃນສະໄໝກ່ອນ ໂດຍໄດ້ນໍາໃຊ້ພືດເປັນຢາຮັກສາ ແລະກັນພະຍາດ.

ມາເຖິງສະໄໝຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານແບບເກົ່າ ແລະແບບໃໝ່, ພັກ-ລັດຖະບານແຫ່ງ ສປປ ລາວໄດ້ຖືເອົາວຽກງານສາທາລະນະສຸກເປັນວຽກງານໜຶ່ງທີ່ສໍາຄັນ ແລະໄດ້ເອົາໃຈໃສ່ພັດທະນາຖັນແຖວພະນັກງານ ໂດຍໄດ້ສ້າງຕັ້ງໂຮງຮຽນແພດຊັ້ນຕົ້ນຂຶ້ນຢູ່ຖໍ້າອ່ຽງ ບ້ານເມືອງງາ ແຂວງຫົວພັນ ຊຶ່ງມີນັກຮຽນເຂົ້າຮຽນຮຸ່ນທໍາອິດ 25 ຄົນ ແລະໄດ້ກໍານົດແນວທາງດ້ານສາທາລະນະສຸກອອກເປັນ 5 ວຽກງານໃຫຍ່ຄື: ຖືເອົາວຽກງານກັນພະຍາດເປັນສໍາຄັນ; ຖືເອົາວຽກງານການປິ່ນປົວເປັນສໍາຄັນ; ສົມທົບການແພດທີ່ທັນສະໄໝ ແລະການແພດພື້ນເມືອງ; ສົມທົບການປິ່ນປົວດ້ວຍຢາຫຼວງ ແລະຢາພື້ນເມືອງ; ຫັນເອົາວຽກງານສາທາລະນະສຸກໃຫ້ເປັນຂອງທົ່ວປວງຊົນ. ນອກຈາກນີ້ ຍັງໄດ້ກໍານົດຫຼັກການອະນາໄມ 3 ສະອາດເປັນຕົ້ນແມ່ນກິນສະອາດ, ດື່ມສະອາດ ແລະຢູ່ສະອາດ.
ຍ້ອນເຫັນໄດ້ຄວາມໝາຍຄວາມສໍາຄັນຂອງພະນັກງານແພດ-ໝໍ ທີ່ໄດ້ປະກອບສ່ວນເຫື່ອແຮງສະຕິປັນຍາຜ່ານຜ່າອຸປະສັກເຂົ້າໃນການປິ່ນປົວພະຍາດກອບກູ້ເອົາຊີວິດຂອງປະຊາຊົນບັນດາເຜົ່າຢ່າງບໍ່ຮູ້ອິດຮູ້ເມື່ອຍ ເຮັດໃຫ້ແພດ-ໝໍລາວຫຼາຍຄົນໄດ້ຮັບນາມມະຍົດເປັນນັກຮົບແຂ່ງຂັນ ແລະວິລະຊົນແຫ່ງຊາດ, ສະນັ້ນສູນກາງແນວລາວສ້າງຊາດຈຶ່ງໄດ້ມີມະຕິຕົກລົງສ້າງຕັ້ງພະແນກສາທາລະນະສຸກສູນກາງຂຶ້ນໃນວັນທີ 18 ມິຖຸນາ 1965 ແລະໄດ້ກໍານົດເອົາວັນດັ່ງກ່າວເປັນວັນແພດລາວ.

 

ໂອກາດເຂົ້າຮ່ວມພິທີທ່ານຮອງເຈົ້າແຂວງເຊກອງກໍໄດ້ມີຄໍາເຫັນໂອ້ລົມໃຫ້ທິດຊີ້ນໍາແກ່ການຈັດຕັ້ງປະຕິບັດໜ້າທີ່ວຽກງານຂອງພະນັກງານແພດ-ໝໍ ແລະພະຍາບານພາຍໃນແຂວງເຊກອງຈົ່ງເອົາໃຈໃສ່ປະຕິບັດໜ້າທີ່ວຽກງານຂອງຕົນທີ່ໄດ້ຮັບມອບໝາຍດ້ວຍຄວາມຮັບຜິດຊອບສູງ ໂດຍສະເພາະແມ່ນການບໍລິການປິ່ນປົວຄົນເຈັບທີ່ເຂົ້າມາໃຊ້ບໍລິການພາຍໃນໂຮງໝໍແຂວງ, ເມືອງ ແລະສຸກສາລາເປັນຕົ້ນແມ່ນຄົນເຈັບທີ່ທຸກຍາກຂາດເຂີນ, ເອົາໃຈໃສ່ຍົກລະດັບຄວາມຮູ້ຄວາມສາມາດດ້ານວິຊາສະເພາະ, ນໍາໃຊ້ວັດຖຸເຕັກນິກເຄື່ອງມືການແພດອັນໃໝ່, ທັງນີ້ ກໍເພື່ອແນໃສ່ເຮັດໃຫ້ການປິ່ນປົວພະຍາດມີຄວາມທັນສະໄໝ ແລະມີປະສິດທິພາບສູງຂຶ້ນ.

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates