Weelcome to Website Sekong Province Public Health Department

ບໍລິສັດສະຕາໂທລະຄົມສາຂາແຂວງເຊກອງ ປະກອບສ່ວນໂທລະສັບ

ໃນວັນທີ 2 ກັນຍານີ້ ທີ່ພະແນກສາທາລະນະສຸກແຂວງເຊກອງ, #ບໍລິສັດສະຕາໂທລະຄົມ ສາຂາ #ແຂວງເຊກອງ ນຳໂດຍທ່ານ ລຳດວນ ແກ້ວພະລິຈັນ ອຳນວຍການບໍລິສັດສະຕາໂທລະຄົມສາຂາແຂວງເຊກອງ ໄດ້ນຳເອົາໂທລະສັບຈຳນວນ 36 ເຄື່ອງພ້ອມຊິມກາດ ແລະມູນຄ່າໂທຈຳນວນ 43 ລ້ານກວ່າກີບ ມາມອບໃຫ້ #ພະແນກສາທາລະແຂວງເຊກອງ

ໃຫ້ກຽດກ່າວຮັບໂດຍທ່ານ ດຣ ພູຂັນ ຈັນທະວົງ ຮອງຫົວໜ້າພະແນກສາທາ​ລະນະສຸກແຂວງເຊກອງ #ຄະນະສະເພາະກິດປ້ອງກັນແລະຄວບຄຸມພະຍາດໂຄວິດ 19 ຂັ້ນແຂວງ, ມີຂະແໜງການທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ທ່ານ ດວນ ແກ້ວພະລິຈັນ ອຳນວຍການບໍລິສັດສະຕາໂທລະຄົມສາຂາແຂວງເຊກອງໄດ້ກ່າວວ່າ: ບໍລິສັດສະຕາໂທລະຄົມແຂວງເຊກອງມີຄວາມຍິນດີນຳເອົາໂທລະສັບພ້ອມຊິມກາດ ແລະມູນຄ່າໂທ ມາມອບໃຫ້ພະແນກສາທາລະນະສຸກແຂວງ ເພື່ອນຳໄປມອບຕໍ່ໃຫ້ຫ້ອງການສາທາລະນະສຸກເມືອງ ແລະບັນດາສຸກສາລາໃນ 4 ຕົວເມືອງ ຄື: ເມືອງທ່າແຕງພ້ອມສຸກສາລະຈຳນວນ 8 ໜ່ວຍ, ເມືອງລະມາມ ພ້ອມສຸກສາລາຈຳນວນ 8 ໜ່ວຍ, ເມືອງດາກຈຶງພ້ອມສຸກສາລາຈຳນວນ 11 ໜ່ວຍ ແລະເມືອງກະລຶມພ້ອມສຸກສາລາຈຳນວນ 8 ໜ່ວຍ ເພື່ອນຳໃຊ້ໃນການປະສານງານວຽກງານປ້ອງກັນແລະຄວບຄຸມພະຍາດໂຄວິດ 19 ຢູ່ພາຍໃນແຂວງໃຫ້ຄວາມສະດວກ,ວ່ອງໄວກວ່າເກົ່າ ໂດຍໃນເດືອນເມສາທີ່ຜ່ານມາ ບໍລິສັດສະຕາໂທລະຄົມສາຂາແຂວງເຊກອງກໍ່ໄດ້ປະກອບສ່ວນເປັນຊິມກາດ ພ້ອມມູນຄ່າໂທ ຈຳນວນ25 ລ້ານ 2 ແສນກີບ ໃຫ້ແກ່ 2 ເມືອງຄື: ເມືອງລະມາມແລະເມືອງທ່າແຕງນຳອີກ.

ໃນໂອກາດດຽວກັນນີ້ ທ່ານ ດຣ ພູຂັນ ຈັນທະວົງ ຮອງຫົວໜ້າພະແນກສາທາລະນະສຸກແຂວງເຊກອງ ກໍ່ໄດ້ກ່າວຍ້ອງຍໍ,ຊົມເຊີຍແລະຂອບໃຈມາຍັງບໍລິສັດດັ່ງ ທີ່ເຫັນໄດ້ຄວາມສຳຄັນຕໍ່ວຽກງານນີ້ແລະມີນໍ້າໃຈອັນລົ້ນເຫຼືອ ປະ​ກອບສ່ວນໂທລະສັບພ້ອມຊິມກາດແລະມູນຄ່າໂທ ເພື່ອນຳໃຊ້ເຂົ້າໃນວຽກງານປ້ອງກັນແລະຄວບຄຸມພະຍາດໂຄວິດ 19 ຢູ່ແຂວງເຊກອງ ໃຫ້ເດີນແມ່ນແລ່ນສະດວກ (ເຊີ່ງເປັນມູນຄ່າສູງສົມຄວນ ) ແລະພາຍຫຼັງທີ່ໄດ້ຮັບແລ້ວພະແນກສາທາລະນະສຸກແຂວງ ກໍ່ຈະພ້າວຮີບຮ້ອນນຳໄປມອບຕໍ່ໃຫ້ບັນດາເມືອງພ້ອມສຸກສາ ເພື່ອນຳໃຊ້ໃຫ້ເກີດປະໂຫຍດສູງສຸດ

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates