Weelcome to Website Sekong Province Public Health Department

ພະແນກສານທາລະນະສຸກແຂວງເຊກອງ ໄດ້ຈັດກອງປະຊຸມເຜີຍແຜ່ຜົນສໍາເລັດຂອງກອງ ປະຊຸມໄຂ້ຍູງລາຍທົ່ວປະເທດ

 ໃນວັນທີ 5 ກຸມພາ 2020 ນີ້, ພະແນກສານທາລະນະສຸກແຂວງເຊກອງ ໄດ້ຈັດກອງປະ ຊຸມເຜີຍແຜ່ຜົນສໍາເລັດຂອງກອງປະຊຸມ ໄຂ້ຍູງລາຍທົ່ວປະເທດໂດຍມີທ່ານ ຖາວອນ ພົມມະໄລລຸນ ຮອງເຈົ້າແຂວງ-ແຂວງເຊກອງ, ມີທ່ານ ວິສັນ ອິນທະວົງ ຫົວໜ້າ ພະແນກ

ສາທາລະນະສຸກແຂວງ, ມີຄະນະກຳມະການຄວບຄຸມພະຍາດຕິດຕໍ່ຂັ້ນແຂວງ ແລະ ອົງການປົກຄອງ 6 ບ້ານເທສະບານເຂົ້າຮ່ວມ.

 ທ່ານ ດຣ ນາງ ລໍາພັນ ໄຊຄໍາມີ ຮອງຫົວໜ້າພະແນກສາທາລະນະສຸກແຂວງເຊກອງ ໄດ້ລາຍງານກ່ຽວກັບຜົນສໍາເລັດຂອງ ກອງປະຊຸມໄຂ້ຍູງລາຍທົ່ວປະເທດ ກ່ຽວກັບການຈັດຕັ້ງປະຕິບັດການຄວບຄຸມພະບາດໄຂ້ຍູງລາຍ ໂດຍບັນຫາສໍາຄັນ ແມ່ນວຽກ ງານເຝົ້າລະວັງ ເຊິ່ງທຸກໂຮງໝໍສູນກາງ, ແຂວງ, ເມືອງ ໄດ້ມີການເຝົ້າລະວັງ ແລະຄວບຄຸມຢ່າງຈິງຈັງ ດ້ວຍການຍົກສູງຄຸນ ນະພາບການປິ່ນປົວ, ການຄຸ້ມຄອງກໍລະນີພະຍາດໄຂ້ຍູງລາຍ ເພື່ອຫຼີກເວັ້ນການເສຍຊີວິດ; ພ້ອມນີ້ ກໍໄດ້ມີການໂຄສະນາວິທີ ປ້ອງກັນ, ວິທີທໍາລາຍແຫຼ່ງເພາະພັນຍູງລາຍ ແລະມີການປຸກລະດົມໃຫ້ທົ່ວສັງຄົມມີສ່ວນຮ່ວມ ໂດຍໃນປີ 2019 ຜູ້ມີຕິດເຊື້ອໄຂ້ຍູງ ລາຍທົ່ວປະເທດ ສູງເຖິງ 39 ພັນ 91 ຄົນ; ໃນນັ້ນ, ເສຍຊີວິດ 76 ຄົນ, ຂະນະທີ່ປີ 2018 ມີຜູ້ຕິດເຊື້ອໄຂ້ຍູງລາຍທົ່ວປະເທດ ພຽງ 6 ພັນ 446 ຄົນ ແລະ ເສຍຊີວິດ ພຽງ 15 ຄົນ, ສະເພາະ ຢູ່ແຂວງເຊກອງ ມີຜູ້ຕິດເຊື້ອໄຂ້ຍູງລາຍ ໃນປີ 2019 ຈໍານວນ 758 ຄົນ ແຕ່ບໍ່ມີກໍລະນີເສຍຊີວິດ ແລະ ໃນປີ 2018 ກໍມີຜູ້ຕິດເຊື້ອໄຂ້ຍູງ ຈໍານວນ 829 ຄົນ.
ໃນກອງປະຊຸມຄັ້ງນີ້, ຍັງໄດ້ມີການເຜີຍແຜ່ຂໍ້ມູນຂ່າວສານສະພາບການລະບາດພະຍາດອັກເສບປອດສາຍພັນໃໝ່ ຫຼື ໄວຣັດໂຄໂຣນາ ສາຍພັນໃໝ່ ໃນຕ່າງປະເທດ ທີ່ມີອາການອັກເສບທາງລະບົບຫາຍໃຈ ໂດຍການແຜ່ເຊື້ອ ຈາກຄົນເຈັບທີ່ຕິດເຊື້ອ ໄປຍັງຄົນອື່ນ ຜ່ານທາງລະອອງຝອຍ ດ້ວຍການໄອ ຫຼື ຈາມ ເຊິ່ງກຸ່ມສ່ຽງ ທີ່ສາມາດຕິດເຊື້ອໄດ້ງ່າຍ ແມ່ນເດັກນ້ອຍ, ຜູ້ອາຍຸສູງ, ຜູ້ທີ່ມີພະຍາດປະຈໍາຕົວ, ຜູ້ທີ່ມີພາວະພູມຄຸ້ມກັນບົກຜ່ອງ ແລະ ຜູ້ເບິ່ງແຍງ ຫຼື ໃກ້ຊິດກັບຄົນເຈັບ. ຈາກຕົວເລກຫຼ້າສຸດ ມາຮອດເວລາ 7 ໂມງເຊົ້າຂອງວັນທີ 6 ກຸມພາ 2020 ທົ່ວປະເທດຈີນ ມີຜູ້ຕິດເຊື້ອພະຍາດອັກເສບປອດສາຍພັນໃໝ່ ຈໍານວນ 28 ພັນ 18 ຄົນ, ເສຍຊີວິດ 563 ຄົນ.

 

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates