Weelcome to Website Sekong Province Public Health Department

ພະແນກສາທາ ແຂວງເຊກອງ ຫວນຄືນມູນເຊື້ອສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 64 ປີ

s01

ເພື່ອເປັນການລະນຶກເຖິງຄຸນງາມຄວາມດີຂອງຊາວໜຸ່ມທີ່ໄດ້ເສຍສະຫຼະຊີວິດ ເລືອດເນື້ອປະກອບສ່ວນເຂົ້າໃນການຕໍ່ສູ້ເພື່ອປົດປ່ອຍປະເທດຊາດອອກຈາກແອກຄອບຄອງຂອງຕ່າງຊາດ, ທັງເປັນການປູກຈິດສໍານຶກໃຫ້ຊາວໜຸ່ມ-ໄວໜຸ່ມຮຸ່ນໃໝ່ໃຫ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງເຖິງຜົນງານການອັນລໍ້າຄ່າຂອງກໍາລັງຊາວໜຸ່ມທີ່ໄດ້ປະກອບສ່ວນເຂົ້າໃນການປົກປັກຮັກສາແລະສ້າງສາພັດທະນາປະເທດຊາດ.

 

s03                                      s04 

ວັນທີ 3 ເມສາ 2019 ຄະນະໜ່ວຍຊາວໝຸ່ມຮາກຖານພະແນກສາທາລະນະສຸກແຂວງເຊກອງ ໄດ້ຈັດຕັ້ງພິທີຫວນຄືນມູນເຊື້ອວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ຄົບຮອບ 64 ປີຄື: (14 ເມສາ 1955-14 ເມສາ 2019) ຂຶ້ນທີ່ຫ້ອງປະຊຸມຂອງຕົນ ໃນວັນທີ 03 ເມສາ 2019, ໂດຍການເຂົ້າຮ່ວມຂອງທ່ານ ດຣ. ບົວໄລ ເກດຈັນ ຄະນະພັກຮາກຖານພະແນກສາທາລະນະສຸກແຂວງ, ພ້ອມນີ້ ກໍມີທ່ານ ດຣ. ແປງ ປະທຸມທອງ ເລຂາໜ່ວຍຊາວໝຸ່ມພະແນກສາທາລະນະສຸກແຂວງແລະມາຊິກຊາວໝຸ່ມເຂົ້າຮ່ວຮັບຟັງ

s05 s06 s07

ໃນພິທີ ເລຂາຄະນະໜ່ວຍຊາວໝຸ່ມຮາກຮາກຖານພະແນກສາທາລະນະສຸກແຂວງເຊກອງ ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງອົງການຈັດຕັ້ງຊາວໜຸ່ມ ປປ ລາວ ພາຍໃຕ້ການນໍາພາຂອງພັກ ປະຊາຊົນ ປະຕິວັດລາວ, ການເຕີບໃຫຍ່ຂະຫຍາຍຕົວຂອງອົງການຈັດຕັ້ງຊາວໜຸ່ມນັບແຕ່ປີ 1955 ເຖິງປະຈຸບັນ, ເວົ້າເຖິງມູນເຊື້ອຂອງການຕໍ່ສູ້ກູ້ຊາດ ກໍຄືມູນເຊື້ອໃນການນໍາພາສະມາຊິກຊາວໜຸ່ມ-ໄວໜຸ່ມປະກອບສ່ວນເຂົ້າໃນການຕໍ່ສູ້ກູ້ຊາດຢ່າງອົງອາດກ້າຫານລວມທັງມູນ ເຊື້ອການປົກປັກຮັກສາແລະສ້າງສາພັດທະນາປະເທດຊາດແຕ່ອາດີດເຖິງປັດຈຸບັນ.

ພ້ອມນີ້ຍັງໄດ້ຮັບຟັງການໂອ້ລົມຂອງທ່ານ ດຣ. ບົວໄລ ເກດຈັນ ຊຶ່ງທ່ານໄດ້ເນັ້ນໃຫ້ສະມາຊິກຊາວໝຸ່ມພະແນກສາທາລະນະສຸກແຂວງຈົ່ງສືບຕໍ່ຮັກສາມູນເຊື້ອ, ຜົນງານອັນລ້ຳເລີດທີ່ບັນພະບູລຸດໄດ້ສ້າງວິລະກໍາໃຫ້ຄົນຮຸ້ນໜຸ່ມຈົ່ງມີຄວາມສາມັກຄີ ແລະການສຶບທອດຮັກສາມູນເຊື້ອຂອງຊາວໜຸ່ມແຕ່ລະຮຸ່ນ ໂດຍນັບແຕ່ຊາວໜຸ່ມຮຸ່ນທໍາອິດຈົນຮອດຊາວໜຸ່ມຮຸ່ນປະຈຸບັນ, ສະມາຊິກຊາວໜຸ່ມທຸກຄົນຕ້ອງຊ່ວຍກັນສະກັດກັ້ນທຸກບັນຫາປະກົດການຫຍໍ້ທໍ້ທີ່ເກີດຂຶ້ນກັບຊາວໜຸ່ມ-ໄວໜຸ່ມ-ເຍົາວະຊົນໃຫ້ຫຼຸດໜ້ອຍຖອຍລົງ ແລະພ້ອມກັນກ້າວໄປຂ້າງໜ້າດ້ວຍຄວາມອົງອາດກ້າຫານປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງໄປເລື້ອຍໆ.

s08

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates