Weelcome to Website Sekong Province Public Health Department

ຜົນສໍາເລັດການຈັດຕັ້ງປະຕິບັດວຽກງານສາທາລະນະສຸກ 6 ເດືອນຕົ້ນປີ 2019

66101406 699128543869279 7005758002477137920 n

ຂະແໜງສາທາລະນະສຸກແຂວງເຊກອງໄດ້ເອົາໃຈໃສ່ປະຕິບັດທິດນຳ ໂດຍຖືເອົາການກັນພະຍາດ ແລະສົ່ງເສີມສຸ ຂະພາບເປັນຕົ້ນຕໍໄປພ້ອມໆກັບການປິ່ນປົວທີ່ມີຄຸນະພາບ

ແລະສະໜອງການບໍລິການດ້ານສາທາລະນະສຸກໃຫ້ທົ່ວເຖິງເປັນສຳຄັນ ອັນໄດ້ເຮັດໃຫ້ປະຊາຊົນມີສຸຂະພາບທີ່ດີ, ຊຶ່ງການປະຕິບັດຕົວຈິງແມ່ນໄດ້ຫັນເອົາວຽກງານສາທາລະນະສຸກລົງສູ່ບ້ານ ແລະກຸ່ມບ້ານພັດທະນາ, ບຳລຸງສ້າງແພດ, ສ້າງ (ອສບ) ປະຈໍາບ້ານ, ພ້ອມປະກອບຖົງຢາໃຫ້ບ້ານທີ່ບໍ່ມີສຸກສາລາ.

ວັນທີ 1 ກໍລະກົດ 2019 ພະແນກສາທາລະນະສຸກແຂວງເຊກອງໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານສາທາລະນະສຸກປະຈໍາ 6 ເດືອນຕົ້ນປີ ແລະວາງທິດທາງແຜນການ 6 ເດືອນທ້າຍປີ 2019 ໂດຍການເປັນປະທານຂອງທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ, ທ່ານ ວິສັນ ອິນທະວົງ ຫົວໜ້າພະແນກສາທາລະນະສຸກແຂວງ, ພ້ອມນີ້ ມີທ່ານຮອງເຈົ້າເມືອງ, ທ່ານຫົວໜ້າ-ຮອງພະແນກການ, ຫ້ອງການ, ອໍານວຍການໂຮງໝໍ, ອົງການທຽບເທົ່າ ແລະວິຊາການກ່ຽວຂ້ອງເຂົ້າຮ່ວມ.

 13 ໃນວາລະກອງປະຊຸມທ່ານ ດຣ. ຄໍາໄຫຼ ສັນຕິພູມ ຮອງຫົວໜ້າພະແນກສາທາລະນະສຸກແຂວງໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານສາທາລະນະສຸກ 6 ເດືອນຕົ້ນປີ ແລະທິດທາງແຜນການ 6 ເດືອນທ້າຍປີວ່າ: ເພື່ອຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງທີ່ຖືເອົາວຽກງານກັນພະຍາດ ແລະສົ່ງເສີມສຸຂະພາບເປັນວຽກງານສໍາຄັນ ແລະວຽກງານການປິ່ນປົວທີ່ມີຄຸນນະພາບເປັນວຽກງານຕົ້ນຕໍ ກໍຄືສູ້ຊົນຈັດຕັ້ງປະຕິບັດ 10 ຕົວຊີ້ວັດໃຫ້ສາມາດບັນລຸໄດ້ຕາມຄາດໝາຍທີ່ວາງໄວ້, ໃນນັ້ນໂຄງການຄຸ້ມຄອງນ້ຳສະອາດ-ນໍ້າປອດໄພ ແລະໂຄງການສຸຂະອະນາໄມ-ອະນາໄມສິ່ງແວດລ້ອມແມ່ນວຽກໜຶ່ງທີ່ຂະແໜງສາທາລະ ນະສຸກໄດ້ໃຫ້ຄວາມສຳຄັນເປັນຕົ້ນແມ່ນປະຊາຊົນໃນເຂດຊົນນະບົດຫ່າງໄກສອກຫຼີກ ໂດຍໄດ້ໃຊ້ຄວາມພະຍາ ຍາມ, ທຶນຮອນຈຳນວນໜຶ່ງ ເພື່ອໃຫ້ປະຊາຊົນໄດ້ຊົມໃຊ້ນ້ຳສະອາດຢ່າງທົ່ວເຖິງ.

12 10 14

                       16  65737686 699128470535953 1344321125810700288 o

ຈາກການເກັບກຳຕົວເລກຂອງພະແນກສາທາລະນະສຸກແຂວງໄດ້ຊີ້ໃຫ້ເຫັນວ່າ ປະຈຸບັນນີ້ ປະຊາຊົນໃນທົ່ວແຂວງໄດ້ຊົມໃຊ້ນ້ຳສະອາດກວມແລ້ວ 79,43% ໃນນັ້ນເມືອງລະມາມກວມ 87,28%, ເມືອງທ່າແຕງ 94,14%, ເມືອງກະລຶມ 69,17% ແລະເມືອງດາກຈຶງ 50,11%; ຂະນະທີ່ອັດຕາການຊົມໃຊ້ວິດຖ່າຍແບບຄອບຄົວກວມເອົາ 70,38% ແລະອັດຕາການຊົມໃຊ້ວິດຖ່າຍພາຍໃນໂຮງຮຽນກວມເອົາ 73,30%. 

ທ່ານ ດຣ. ຄຳໄຫຼ ສັນຕິພູມ ໃຫ້ຮູ້ອີກວ່າ: ທົ່ວແຂວງເຊກອງ ມີສະຖານທີ່ບໍລິການສຸຂະພາບດ້ານສາທາລະນະສຸກຄື: ໂຮງໝໍແຂວງ 1 ແຫ່ງ, ໂຮງໝໍເມືອງ 3 ແຫ່ງ, ໂຮງໝໍເສນາຮັກ 1 ແຫ່ງ, ສຸກສາລາ 28 ແຫ່ງ, ຫ້ອງກວດພະຍາດ 7 ແຫ່ງ ແລະຮ້ານຂາຍຢາເອກະຊົນ 36 ແຫ່ງ, ນອກຈາກນີ້ ຍັງມີຖົງຢາປະຈໍາບ້ານ ຊຶ່ງທັງໝົດນີ້ໄດ້ສ້າງເງື່ອນໄຂໃຫ້ປະຊາຊົນບັນດາເຜົ່າໄດ້ຮັບການບໍລິການດ້ານສາທາລະນະສຸກຢ່າງທົ່ວເຖິງ.

11 15 65650308 699128447202622 7444471250858016768 o

                        17

 

 

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates