Weelcome to Website Sekong Province Public Health Department

ຄະນະໜ່ວຍສະຫະພັນແມ່ຍິງພະແນກສາທາລະນະສຸກແຂວງເຊກອງໄດ້ຈັດພິທີປາຖະກະຖາວັນສ້າງຕັ້ງສະຫະພັນແມ່ຍິງລາວ

67273231 708586959590104 1636273477671452672 o

ຄະນະໜ່ວຍສະຫະພັນແມ່ຍິງພະແນກສາທາລະນະສຸກແຂວງເຊກອງໄດ້ຈັດພິທີປາຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ62 ປີ (20.7.1955-20.7.2017)

ໂດຍການເປັນປະຂອງທ່ານ ວິສັນ ອິນທະວົງ ກຳມະການພັກແຂວງ, ເລຂາພັກຮາກຖານ, ຫົວໜ້າພະແນກສາທາລະນະສຸກແຂວງ; ທ່ານ ນາງ ມະໂນລາ ສຸດທິຈັກ ຄະນະບໍລິຫານງານສະຫະພັນແມ່ຍິງແຂວງ, ປະທານຄະນະໜ່ວຍສະຫະພັນແມ່ຍິງພະແນກສາທາລະນະສຸກ; ພ້ອມນີ້ ກໍມີຄະນະໜ່ວຍ, ສະມາຊິກສະຫະພັນແມ່ຍິງ ແລະພາກສ່ວນກ່ຽວຂ້ອງເຂົ້າຮ່ວມ.

66867284 708587206256746 8879044775022428160 oໃນພິທີທ່ານ ດຣ. ນາງ ລຳພັນ ໄຊຄໍາມີ ຄະນະພັກຮາກຖານ, ຮອງຫົວໜ້າພະແນກສາທາລະນະສຸກແຂວງເຊກອງໄດ້ເລົ່າຄືນມູນເຊື້ອການກຳເນີດ, ການເຕີບໃຫຍ່ຂະຫຍາຍຕົວ ແລະຜົນງານການເຄື່ອນໄຫວຂອງແມ່ຍິງຕະຫຼອດໄລຍະ 64 ປີຜ່ານມາ ຊຶ່ງພາຍຫຼັງພັກປະຊາຊົນປະຕິວັດລາວໄດ້ຮັບການສ້າງຕັ້ງຂຶ້ນໃນວັນທີ 22 ມີນາ 1955 ພັກກໍ່ໄດ້ເອົາໃຈໃສ່ປຸກລະດົມຂົນຂວາຍກໍ່ສ້າງແມ່ຍິງໃຫ້ມີຄວາມຕື່ນຕົວປະກອບສວ່ນໃນພາລະກິດປະຕິວັດ ແລະຖືແມ່ຍິງເປັນພາກສວ່ນໜຶ່ງໃນກຳລັງແຮງສຳຄັນຂອງພັກ, ຕົກມາຮອດວັນທີ 20 ກໍລະກົດ 1955 ພັກໄດ້ຈັດຕັ້ງຄົ້ນຄວ້າວຽກງານແມ່ຍິງ ຊຶ່ງຖືເປັນຕົ້ນກຳເນີດຂອງອົງການຈັດຕັ້ງສະຫະພັນແມ່ຍິງລາວ, ນັບແຕ່ມື້ສ້າງຕັ້ງເປັນຕົ້ນມາອົງການຈັດຕັ້ງແມ່ຍິງໄດ້ເຄື່ອນໄຫວຕາມພາລະບົດບາດ, ສິດ ແລະໜ້າທີ່ຂອງຕົນຢ່າງແຂງແຮງເປັນຕົ້ນແມ່ນໄດ້ເອົາໃຈໃສ່ປະຕິບັດໂຄງການດຳເນີນງານໃນການພັດທະນາ ແລະຍົກສູງບົດບາດຂອງເອື້ອຍນ້ອງແມ່ຍິງໃຫ້ສູງຂຶ້ນ. ໃນປີ 1958 ແມ່ນເປັນປີທຳອິດທີ່ໃນປະຫວັດສາດຂອງຊາດລາວເຮົາທີ່ອົງການຈັດຕັ້ງແມ່ຍິງໄດ້ເຂົ້າຮວ່ມຄົ້ນຄວ້າ ແລະສະເໜີໃຫ້ດັດແປງກົດໝາຍການເລືອກຕັ້ງຄືນໃໝ່ ໂດຍໃຫ້ແມ່ຍິງລາວບັນດາເຜົ່າທີ່ມີອາຍຸນັບແຕ່ 18 ປີຂຶ້ນໄປມີສິດປອ່ນບັດເລືອກຕັ້ງ ແລະອາຍຸນັບແຕ່ 21 ປີຂຶ້ນໄປມີສິດສະໝັກຮັບເລືອກຕັ້ງເປັນຜູ້ແທນລາຊະດອນ, ນັບ ແຕ່ມື້ນັ້ນມາແມ່ຍິງລາວບັນດາເຜົ່າຍິ່ງມີບົດບາດສູງເດັ່ນຂຶ້ນໃນສັງຄົມ ກໍ່ຄືໃນເວທີສາກົນ ແລະໄດ້ຮັບການພັດທະນາໃນທຸກດ້ານ.

ພ້ອມດຽວກັນນັ້ນ ທ່ານຍັງໄດ້ຍົກໃຫ້ເຫັນເຖິງໜ້າທີ່ຄວາມສໍາຄັນຂອງແມ່ຍິງໃນເມື່ອກ່ອນ ແລະປະຈຸບັນ ໂດຍສະເພາະ 1. ການເບິ່ງແຍງ, ຊຸກເຊືອງ, ຕິດຕໍ່, ສົ່ງຂ່າວພະນັກງານ, ທະຫານປະຕິວັດ, ສົ່ງເອກະສານຕ່າງໆໃຫ້ພະນັກງານ, ທະຫານທີ່ປະຕິບັດໜ້າທີ່ຢູ່ແນວໜ້າ ແລະໃນເຂດຄວບຄຸມຂອງສັດຕູດ້ວຍຫຼາຍຮູບແບບ, ຫຼາຍວິທີການ; 2. ລໍາລຽງສະບຽງອາຫານ, ອາວຸດ, ເຄື່ອງນຸ່ງຫົ່ມໃຫ້ພະນັກງານ-ນັກຮົບຢູ່ແນວໜ້າ; 3. ປຸກລະດົມຂົນຂວາຍຊາວໝຸ່ມ, ລູກ-ຫານອອກແຮງຮັບໃຊ້ປະເທດຊາດ; 4. ປຸກລະດົມຂະບວນການຂອງແມ່ຍິງປະຕິບັດວຽກແນວຫຼັງ, ເພີ່ມພູນຜະລິດຜົນຫາລ້ຽງກຸ້ມຕົນເອງ, ປະຢັດເຂົ້າປາອາຫານ ເພື່ອສົ່ງໄປແນວໜ້າ ແລະສຸດທ້າຍແມ່ນຄົ້ນຄວ້າກໍານົດພາລະບົດບາດ, ກົດລະບຽບ ແລະໂຄງການດໍາເນີນງານ ເພື່ອເປັນພື້ນຖານໃຫ້ແກ່ການຈັດຕັ້ງ, ເຕົ້າໂຮມຄວາມສາມັກຄີ, ສຶກສາອົບຮົມປຸກລະດົມຂົນຂວາຍຂະບວນການແມ່ຍິງລາວບັນດາເຜົ່າເຂົ້າເປັນກໍາລັງແຮງໃຫ້ແກ່ການປະຕິວັດປົດປ່ອຍຊາດ.

67153369 708587036256763 9087793409812332544 o66850862 708587179590082 6376229665056489472 o

66797845 708587152923418 7633048863800033280 o

ຄະນະໜ່ວຍສະຫະພັນແມ່ຍິງພະແນກສາທາລະນະສຸກແຂວງເຊກອງໄດ້ຈັດພິທີປາຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ 62 ປີ (20.7.1955-20.7.2017) ໂດຍການເປັນປະຂອງທ່ານ ວິສັນ ອິນທະວົງ ກຳມະການພັກແຂວງ, ເລຂາພັກຮາກຖານ, ຫົວໜ້າພະແນກສາທາລະນະສຸກແຂວງ; ທ່ານ ນາງ ມະໂນລາ ສຸດທິຈັກ ຄະນະບໍລິຫານງານສະຫະພັນແມ່ຍິງແຂວງ, ປະທານຄະນະໜ່ວຍສະຫະພັນແມ່ຍິງພະແນກສາທາລະນະສຸກ; ພ້ອມນີ້ ກໍມີຄະນະໜ່ວຍ, ສະມາຊິກສະຫະພັນແມ່ຍິງ ແລະພາກສ່ວນກ່ຽວຂ້ອງເຂົ້າຮ່ວມ.

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates