Weelcome to Website Sekong Province Public Health Department

ສທຂ ເຊກອງ ສໍາເລັດກອງປະຊຸມສະຫຼຸບວຽກງານປະຈໍາປີ 2019

ກອງປະຊຸມສະຫລຸບການຈັດຕັ້ງປະຕິບັດວຽກງານສາທາລະນະສຸກແຂວງເຊກອງ ປະຈໍາປີ 2019

ໄດ້ໄຂຂຶ້ນວັນທີ 9 ມັງກອນ 2020, ທີ່ຫ້ອງປະຊຸມພະແນກດັ່ງກ່າວ ໂດຍການເປັນປະທານຮ່ວມຂອງທ່ານ ຮສຈ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີທ່ານ ຖາວອນ ພົມມະໄລລຸນ ຮອງເຈົ້າແຂວງ-ແຂວງເຊກອງ, ທ່ານ ວິສັນ ອິນທະວົງ ຫົວຫນ້າພະແນກສາທາລະນະສຸກແຂວງ, ພ້ອມນີ້ກໍມີການນໍາຈາກພະແນກສາທາລະນະສຸກ 3 ແຂວງພາກໃຕ້(ແຂວງສາລະວັນ, ແຂວງອັດຕະປື ແລະແຂວງຈໍາປາສັກ), ມີທ່ານຮອງເຈົ້າເມືອງ 4 ຕົວເມືອງ ແລະຫົວຫນ້າຫ້ອງການສາທາລະນະສຸກທັງ 4 ເມືອງຄູ່ຮ່ວມພັດທະນາພາຍໃນ ແລະຕ່າງປະເທດ, ຕ່າງຫນ້າຈາກບັນດາພະແນກການອ້ອມຂ້າງແຂວງ, ພ້ອມດ້ວຍຫົວຫນ້າ ແລະຮອງຂະແຫນງ ຕະຫລອດຮອດພະນັກງານຫລັກແຫລ່ງພະແນກສາທາລະນະສຸກແຂວງເຂົ້າຮ່ວມ 101 ທ່ານ, ຍິງ 17 ທ່ານ.

ທ່ານ ວິສັນ ອິນທະວົງ ຫົວຫນ້າພະແນກສາທາລະນະສຸກແຂວງ ໃຫ້ຮູ້ວ່າ: ໃນໄລຍະ 1 ປີຜ່ານມາ ຄະນະພັກ, ຄະນະພະແນກພວກເຮົາໄດ້ນໍາພາຈັດຕັ້ງປະຕິບັດນະໂຍບາຍສາທາລະນະສຸກທົ່ວປວງຊົນ ຕາມທິດຖືເອົາວຽກງານກັນພະຍາດ ແລສົ່ງເສີມສຸຂະພາບເປັນຕົ້ນຕໍ, ຖືເອົາການປິ່ນປົວ ແລະສະຫນອງການບໍລິການສຸຂະພາບຢ່າງທົ່ວເຖິງ ໂດຍພັດທະນາເອົາຄົນເປັນໃຈກາງ ເພື່ອແນໃສ່ການບໍລິການໃຫ້ມີຄຸນນະພາບ, ຍຸຕິທຳ ແລະສະເຫມີພາບເປັນສໍາຄັນ; ຊຶ່ງວຽກງານປ້ອງກັນພະຍາດ ແລະການສົ່ງເສີມສຸຂະພາບ, ວຽກງານເຝົ້າລະວັງ ແລະຕອບໂຕ້ກັບບັນດາພະຍາດຕາມລະດູການ, ການຄຸ້ມຄອງກໍລະນີຢູ່ຕາມສະຖານທີ່ບໍລິການ, ການຄຸ້ມຄອງກວດກາອາຫານ ແລະຢາ, ການສັບຊ້ອນຈັດວາງ ແລະພັດທະນາຊັບພະຍາກອນມະນຸດ ແມ່ນໄດ້ຮັບການຈັດຕັ້ງປະຕິບັດ ແລະມີຜົນສໍາເລັດຢ່າງຫນ້າເພິ່ງພໍໃຈ, ອັນພົ້ນເດັ່ນແມ່ນລະບົບການເຝົ້າລະວັງ ແລະຂອດການຄຸ້ມຄອງກໍລະນີໄຂ້ຍູງລາຍຢູ່ແຂວງເຊກອງ ສມາດຮັກສາມູນເຊື້ອໃນ 6 ປີຜ່ານມາ ບໍ່ມີກໍລະນີຜູ້ເສຍຊີວິດ ອັນເປັນຂີດຫມາຍສໍາຄັນ ແລະຢັ້ງຢືນຖິງນໍ້າໃຈຄວາມຮັບຜິດຊອບອັນສູງສົ່ງຂອງພະນັກງານແພດຫມໍທຸກຄົນ, ຜົນສໍາເລັດດັ່ງກ່າວຍ້ອນມີການສະຫນັບສະຫນູນຈາກທຸກພາກສ່ວນ ຈຶ່ງເຮັດໃຫ້ບັນລຸຜົນສໍາເລັດຕາມແຜນການທີ່ວາງໄວ້.

 

   ຊຶ່ງປະຈຸບັນ ຕາຫນ່າງສາທາລະນະສຸກ ໄດ້ຂະຫຍາຍລົງສູເຂດຊົນນະບົດ ແລະເຂດຫ່າງໄກສອກຫລີກ ກວມເຖິງ 95% ຂອງພື້ນທີ່ທົ່ວແຂວງ, ລະບົບເຝົ້າລະວັງ ແລະຕອບໂຕ້ເພື່ອຮັບມືກັບການລະບາດຂອງພະຍາດລະດູການແມ່ນວ່ອງໄວ, ທັນກັບສະພາບການ ແລະມີຄວາມເຂັ້ມແຂງຂຶ້ນ, ຕິດພັນກັບການປັບປຸງຍົກລະດັບການບໍລິການສຸຂະພາບ, ດ້ວຍການຈັດຕັ້ງປະຕິບັດຄໍາຂວັນ 5 ດີ 1 ພໍໃຈ ເຮັດໃຫ້ປະຊາຊົນມາໃຊ້ບໍລິການຮັກສາສຸຂະພາບເພີ່ມຂຶ້ນ, ປະຈຸບັນແຂວງເຊກອງ ໄດ້ຈັດຕັ້ງປະຕິບັດກອງທຶນປະກັນາສຸຂະພາບໄດ້ 100% ແລ້ວ, ແຕ່ມີຜູ້ມາໃຊ້ບໍລິການຕົວຈິງປະມານ 90%, ເຫດຜົນຍ້ອນປະຊາຊົນຈໍານວນຫນຶ່ງຢູ່ເຂດຫ່າງໄກສອກຫລີກ ບໍ່ສາມາດມາໃຊ້ບໍລິການໄດ້ຫມົດທຸກຄົນ ຍ້ອນພູມສັນຖານມີຄວາມຫຍຸ້ງຍາກ, ສຸກສາລາຕັ້ງຢູ່ໄກຈາກບ້ານຫລາຍ, ເສັ້ນທາງໄປ-ມາ ບໍ່ສະດວກ ແລະອື່ນໆ.

ນອກຈາກນີ້ ຜູ້ເຂົ້າຮ່ວມຍັງໄດ້ຮັບຟັງການສະຫລຸບຕີລາຄາຜົນຈັດຕັ້ງປະຕິບັດວຽກງານຮອບດ້ານສາທາລະນະສຸກປະຈໍາປີ 2019 ແລະວາງທິດທາງແຜນການ, ຄາດຫມາຍການຈັດຕັ້ງປະຕິບັດໃນປີ 2020 ຈາກທ່ານ ດຣ ຄໍາໄຫລ ສັນຕິພູມ ຮອງຫົວຫນ້າພະແນກສາທາລະນະສຸກແຂວງ ຊຶ່ງທ່ານໄດ້ຍົກໃຫ້ເຫັນຜົນສໍາເລັດ ແລະບັນຫາທີ່ຍັງຄົງຄ້າງທີ່ປະຕິບັດບໍ່ທັນໄດ້ເຮັດໃຫ້ບໍ່ບັນຕາມແຜນການທີ່ວາງໄວ້.

ໃນຕອນທ້າຍກອງປະຊຸມ ຜູ້ເຂົ້າຮ່ວມຍັງໄດ້ຮັບຟັງການໂອ້ລົມ-ຊີ້ນໍາ ຈາກທ່ານ ຮສຈ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກຕື່ມອີກ ຊຶ່ງທ່ານໄດ້ເນັ້ນຫນັກໃຫ້ຄະນະນໍາພະແນກເອົາໃຈໃສ່ແກ້ໄຂບັນຫາທີ່ຍັງຄ້າງໃນປີຜ່ານມາ ແລະຕັ້ງຫນ້າສຸມໃສ່ຈັດຕັ້ງປະຕິບັດວຽກງານໃຫ້ສໍາເລັດຜົນຕາມຄາດຫມາຍທີ່ວາງໄວ້ໃນຊຸມປີຕໍ່ຫນ້າ.

 

 

          ກອງປະຊຸມສະຫລຸບການຈັດຕັ້ງປະຕິບັດວຽກງານສາທາລະນະສຸກແຂວງເຊກອງ ປະຈໍາປີ 2019 ໄດ້ໄຂຂຶ້ນວັນທີ 9 ມັງກອນ 2020, ທີ່ຫ້ອງປະຊຸມພະແນກດັ່ງກ່າວ ໂດຍການເປັນປະທານຮ່ວມຂອງທ່ານ ຮສຈ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີທ່ານ ຖາວອນ ພົມມະໄລລຸນ ຮອງເຈົ້າແຂວງ-ແຂວງເຊກອງ, ທ່ານ ວິສັນ ອິນທະວົງ ຫົວຫນ້າພະແນກສາທາລະນະສຸກແຂວງ, ພ້ອມນີ້ກໍມີການນໍາຈາກພະແນກສາທາລະນະສຸກ 3 ແຂວງພາກໃຕ້(ແຂວງສາລະວັນ, ແຂວງອັດຕະປື ແລະແຂວງຈໍາປາສັກ), ມີທ່ານຮອງເຈົ້າເມືອງ 4 ຕົວເມືອງ ແລະຫົວຫນ້າຫ້ອງການສາທາລະນະສຸກທັງ 4 ເມືອງຄູ່ຮ່ວມພັດທະນາພາຍໃນ ແລະຕ່າງປະເທດ, ຕ່າງຫນ້າຈາກບັນດາພະແນກການອ້ອມຂ້າງແຂວງ, ພ້ອມດ້ວຍຫົວຫນ້າ ແລະຮອງຂະແຫນງ ຕະຫລອດຮອດພະນັກງານຫລັກແຫລ່ງພະແນກສາທາລະນະສຸກແຂວງເຂົ້າຮ່ວມ 101 ທ່ານ, ຍິງ 17 ທ່ານ.

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates