ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ ພະ​ແນກ​ ສາ​ທາ​ລະ​ນະ​ສຸກ​ ແຂວງ​ເຊກອງ

ພະແນກສາທາລະນະສຸກແຂວງສະຫຼຸບວຽກງານກີລາ-ກາຍະກໍາ

ພະແນກສາທາລະນະສຸກແຂວງເຊກອງໄດ້ຈັດກອງປະຊຸມສະຫຼຸບການເຄື່ອນໄຫວວຽກງານກິລາໃນໄລຍະຜ່ານມາ ແລະວາງທິດທາງແຜນການເຄື່ອນໄຫວໃນຕໍ່ໜ້າ ໂດຍການເຂົ້າຮ່ວມເປັນປະທານຂອງທ່ານ ດຣ ບົວໄລ ເກດຈັນ ຮອງຫົວໜ້າພະແນກສາທາລະນະສຸກແຂວງ; ພ້ອມນີ້ ກໍມີຄະນະອໍານວຍການໂຮງໝໍ, ຫົວໜ້າຂະແໜງ-ຮອງຂະແໜງ, ຄະນະຮັບຜິດຊອບ, ຄູຝຶກ ແລະນັກກິລາຊາຍ-ຍິງເຂົ້າຮ່ວມ.

 

ທ່ານ ສຸລິຍາ ທັດສະພອນ ຄະນະຮັບຜິດຊອບວຽກງານກິລາພະແນກໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານກິລາໃນໄລຍະຜ່ານມາເຫັນວ່າມີບັນຍາກາດຟົດຟື້ນດີ ແລະສາມາດຍາດໄດ້ຜົນງານຫຼາຍດ້ານທີ່ພົ້ນເດັ່ນ ໂດຍສະເພາະແມ່ນການເຂົ້າຮ່ວມແຂ່ງຂັນກິລາບານເຕະ (ຊາຍ-ຍິງ) ເພື່ອຂໍານັບຮັບຕ້ອນບັ້ນເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ IX ແລະສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ II ໂດຍສະເພາະທິມຍິງສາມາດຍາດໄດ້ລາງວັນຊະນະເລີດໄດ້ຮັບຫຼຽນຄໍາ, ຂັນ 1 ໜ່ວຍ ແລະເງິນສົດອີກຈໍານວນໜຶ່ງ.

ຫຼັງຈາກນັ້ນ ກໍ່ໄດ້ຜ່ານຂໍ້ຕົກລົງຂອງຫົວໜ້າພະແນກສາທາລະນະສຸກແຂວງ ວ່າດ້ວຍການມອບໃບຍ້ອງຍໍໃຫ້ແກ່ຄະນະນໍາ, ຄູຝຶກ, ນັກກິລາ ຈໍານວນ 34 ທ່ານ, ຍິງ 31 ທ່ານ ແລະໃບກຽດຕິຄຸນໃຫ້ແກ່ບຸກຄົນ, ກົມກອງທີ່ໃຫ້ການສະໜັບສະໜູນນັກກິລາບານເຕະ ເພື່ອຂໍານັບຮັບຕ້ອນບັ້ນເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ຈໍານວນ 8 ທ່ານ ແລະກົມກອງ 2 ກົມກອງ.

ໃນໂອກາດເຂົ້າຮ່ວມທ່ານ ດຣ ບົວໄລ ເກດຈັນ ໄດ້ມີທິດຊີ້ນໍາໂດຍຍ້ອງຍໍຊົມເຊີຍຕໍ່ຜົນງານຂອງນັກກີລາທີ່ສາ ມາດຍາດໄດ້ຜົນງານຫຼາຍດ້ານ, ພ້ອມທັງຮຽກຮ້ອງໃຫ້ຄະນະນໍາ, ຄູຝຶກ ແລະນັກກີລາຈົ່ງສືບຕໍ່ຝຶກຊ້ອມເຂົ້າຮ່ວມແຂ່ງຂັນລາຍການຕ່າງໆທີ່ບັນດາພະແນກການ, ກົມກອງ ແລະຂະແໜງການອ້ອມຂ້າງແຂວງຈັດຂຶ້ນ ໂດຍສະເພາະແມ່ນຂະບວນການຕ້ອນຮັບວັນສໍາຄັນຕ່າງໆຂອງພັກ-ຂອງຊາດໃຫ້ເປັນປົກກະຕິ ເພື່ອສ້າງໃຫ້ຕົນເອງມີສຸຂະພາບແຂງແຮງ.

 

ພະ​ແນກ​ສາ​ທາ​ລະ​ນະ​ສຸກ ແຂວງ​ເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38-211 819, ແຟກ:(+856)38-211 020

Powered by Joomla 1.7 Templates